Butare

Butare er ein brunalge som veks på eksponerte stader langs delar av norskekysten.

Butare
Butare
Systematikk
Rike:	Det gule riket Chromista
Rekkje:	Ochrophyta
Underrekkje:	Phaeista
Klasse:	Brunalgar Phaeophyceae
Orden:	Tare Laminariales
Familie:	Alariaceae
Slekt:	Alaria
Art:	Butare A. esculenta
Vitskapleg namn
Alaria esculenta Greville, 1830

Utsjånad

Butaren kan verte fleire meter lang. Til skilnad frå sukkertaren som og har eit blad, er bladet tynt og har ei tydeleg midtribbe. Ofte splittar bladet seg på tvers inn til midtribba. Stilkpartiet nedst er fleirårig, men bladet er eittårig.

Utbreiing

Planta finst i Europa i Frankrike, dei britiske øyane, Nederland, Helgoland, Noreg og vestover på Færøyane, Island, Grønland, Labrador og sørover til Massachusetts. Butaren finst og i Alaska.

Bruk

Taren kan etast, både rå og kokt, og er brukt som mat langs nordlegaste delen av Atlanterhavet, spesielt på Grønland, Island, i Skottland og Irland.

Førekomst i Noreg

I Noreg finst butaren på Vestlandet og nordover til Nord-Noreg.

Kjelder

• Denne artikkelen bygger på «Alaria esculenta» frå Wikipedia på engelsk, den 28. april 2012.
• Floraen i farger 2, Arne Pedersen og Jørgen Vasshaug, H. Aschehoug & Co. (W. Nygaard).