Chathamskarv

Chathamskarv (Phalacrocorax onslowi) er ein kystbunden sjøfugl og ein mellomstor skarv. Han er endemisk for Chathamøyane på New Zealand.

Chathamskarv
Chathamskarv
Utbreiing
Utbreiinga av Chathamskarv
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sulefuglar Suliformes
Familie:	Skarvefamilien Phalacrocoracidae
Slekt:	Phalacrocorax
Art:	Chathamskarv P. onslowi
Vitskapleg namn
Phalacrocorax onslowi

Skildring

Chathamskarvar er ca. 63 centimeter med kroppssvekt på 2,25 kilogram. Fjørdrakta er i svart, med kvit underside frå strupen til undergumpen. Kvite flekker på vengfjørene utgjer eit kvitt band på vengen når fuglen sit. Beina er lyseraude i hekkesesongen og auga har blå augering. Strupe og andlet får ein raud hudpose i hekketida. Ein oransje, naken hudflekk over nebbrota er framtredande, i utsjånad er dei elles mykje like vorteskarvar.

Denne arten finst berre rundt øygruppa Chathamøyane, dei kan beite opp til 24 kilometer ut frå land av øygruppa.

Chathamskarvar hekkar i små koloniar i øygruppa, det inkluderer hovudøya Chatham Island, Rabbit Island ved Pitt Island og Star Key. Reira er bygd av plantar, tang og kvister. Dei legg 1-4, mest vanleg 2 eller 3 lyseblå egg i august til desember.

Dei søkjer vanlegvis føde aleine og føda er småfisk iblanda ulike artar av blekksprutar når dei er tilgjengelege.

Arten har status som kritisk trua, og bestanden er estimert til 1070 individ (2011), og er minkande.

Kjelder

• Barrie Heather og Hugh Robertson, The Field Guide to the Birds of New Zealand (revised edition), Viking, 2005
• BirdLife International (2013) Species factsheet: Phalacrocorax onslowi Arkivert 2016-03-04 ved Wayback Machine.. Henta frå http://www.birdlife.org den 17. januar 2013.

Bakgrunnsstoff

Wikimedia Commons har multimedia som gjeld: Chathamskarv

• ARKive Images of life on earth Species factsheet: Chatham Island shag (Phalacrocorax onslowi) Arkivert 2015-09-24 ved Wayback Machine.. Henta frå http://www.arkive.org/ Arkivert 2016-04-26 ved Archive.is den 17. januar 2013.