Vorteskarv
Vorteskarv (Phalacrocorax carunculatus) er ein særs sjeldan skarveart som er endemisk for New Zealand.
| Vorteskarv | |
 Litografi av John Gerrard Keuleman, public domain | |
| Status | |
Status i verda:  Sårbar
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sulefuglar Suliformes |
| Familie: | Skarvefamilien Phalacrocoracidae |
| Slekt: | Leucocarbo |
| Art: | Vorteskarv L. carunculatus |
| Vitskapleg namn | |
| Leucocarbo carunculatus | |
Vorteskarvar er ca. 76 centimeter i lengd og veg om lag 2,5 kilogram. Fjørdrakta er i svart, med kvit underside frå strupen til undergumpen, og kvite flekker på vengfjørene som utgjer eit kvitt band på vengen når fuglen sit. Beina er lyseraude og auga har blå augering. Over nebbrota er det ein gul til oransje, naken hudflekk, og strupe og andlet får ein raud hudpose i hekketida.
Einaste hekkestaden i verda er nokre små øyar i Marlborough Sounds mellom Nordøya og Sørøya på New Zealand.
Vorteskarvar hekkar i koloniar og bygg reir få meter over havoverflata. Dei legg lyseblå egg i mai til juni, normalt to egg i kullet, men eit eller tre egg førekjem. Som andre skarvar er dei fisketarar, men kan òg ta kreps og krabbe. Dei dukkar ned til 20-40 metters djupne, og kan vere under vatn opp til 1,5 minutt, typisk 45 sekund.
Verdspopulasjonen var estimert til 350-1500 individ i 2002, og er stabil.[1]
Kjelder
endre- Barrie Heather og Hugh Robertson, The Field Guide to the Birds of New Zealand (revised edition), Viking, 2005
- BirdLife International (2012) Species factsheet: Phalacrocorax carunculatus. Henta frå http://www.birdlife.org den 28. august 2012
Referansar
endre- ↑ BirdLife International 2012
Bakgrunnsstoff
endre
Wikimedia Commons har multimedia som gjeld: Vorteskarv
- Videoar, bilete og lydopptak av vorteskarvar hos Internet Bird Collection