Sildefisk

Sildefisk (Clupeiformes) er ein orden beinfisk utbreidd i alle hav. Mange av artane er økonomisk viktige, om ikkje i like stor grad no som før. Somme artar lever òg i ferskvatn. Alle artane er sølvfarga og blanke plankton-etarar som lever i stim. Ein reknar gruppa som ei av dei meir primitive beinfiskgruppene ut frå finneplassering og indre anatomi.

Sildefisk
Sardinar frå Stillehavet
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Actinopteri
Underklasse:	Neopterygii
Infraklasse:	Ekte beinfiskar Teleostei
Overorden:	Clupeomorpha
Orden:	Sildefisk Clupeiformes Goodrich, 1909

I norske farvatn er det registrert seks artar sildefisk; sild, brisling, ansjos, sardin, maisild og stamsild. På verdsbasis reknar me med rundt 300 artar fordelt på fem familiar.

Skildring

Sildefisk er sølvglinsande og har djupt kløfta halefinne. Finnestrålane er mjuke og har ledd. Mellom dei mest markante primitive trekka dei framviser kan me nemna at bukfinnane sit langt bak og brystfinnane langt nede mot undersida av dyret. Dei har symjeblære, som står i samband med svelget på dyret.

Alle sildefiskar er stimfisk som vandrar rundt i havet og beitar på plankton. Ein trur vandringsrutene deira er tillærte (ikkje genetisk betinga).

Kjelder

• Hamre, Johannes & Gjøsæter, Harald: «Sildefisker» i Norges dyr, Cappelen 1992.

Bakgrunnsstoff

• (no) Sildefisk hos Artsdatabanken
• (en) Sildefisk – oversikt og omtale av artane i WORMS-databasen
• (en) Sildefisk i Encyclopedia of Life
• (en) Sildefisk i Global Biodiversity Information Facility
• (sv) Sildefisk hos Dyntaxa
• (en) Sildefisk hos Fauna Europaea
• (en) Sildefisk hos Fossilworks
• (en) Sildefisk hos ITIS
• (en) Sildefisk hos NCBI
• (en) Kategori:Clupeiformes – bilete, video eller lyd på Wikimedia Commons
• Clupeiformes – detaljert informasjon på Wikispecies