Cundinamarcamaurpitta

Cundinamarcamaurpitta (Grallaria kaestneri) er ein fugl i maurpittafamilien. Arten er endemisk for Colombia med kjente leveområder på tre mindre areal, totalt 450 km2, i den austlegee skråninga av den austlege fjellkjeda av Andes. Området er i Cundinamarca-departementet, rett aust for Bogotá.

Cundinamarcamaurpitta
Cundinamarcamaurpitta
Utbreiing og status
Status i verda: Utbreiinga av Cundinamarcamaurpitta
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Familie:	Maurrikser Formicariidae
Slekt:	Grallaria
Art:	Cundinamarcamaurpitta G. kaestneri
Vitskapleg namn
Grallaria kaestneri Stiles, 1992

Skildring

Dette er ein mellomstor maurpitta, 15,5 centimeter i kroppslengd, og kroppsvekt rundt 48 gram. Fjørdrakta til vaksne fuglar er mørk olivenbrun på oversida, lysare underside, strupe-bryst er skildra som skittenkvit med mørke strekar over brystet. Cundinamarcamaurpittaer lever i våt tåkeskog, frå 1800 til 2300 moh. Her lever dei av insekt, edderkoppar og meitemark.

Populasjonen er estimert til i området 500-1 200 individ, og er trudd å vere minkande. Arten er klassifisert som sterkt truga, EN.

Kjelder

• Krabbe, N.K. & Schulenberg, T.S. (2003). Cundinamarca Antpitta (Grallaria kaestneri) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2015). Handbook of the Birds of the World Alive. Lynx Edicions, Barcelona. Henta den 25. september 2015
• BirdLife International (2015) Species factsheet: Grallaria kaestneri Arkivert 2015-09-24 ved Wayback Machine.. Henta frå http://www.birdlife.org den 25. september 2015

Referansar