DS «Draco» (1900)
| Karriere |  Tyskland |
|---|---|
| Namn: | DS «Senator Kruger» |
| Eigar: | Carl Tiede |
| Verft: | Schömer & Jensen i Tønning i Slesvig i Tyskland |
| Verftsnummer: | 31 |
| Heimehamn: | Wismar i Tyskland |
| Kjennemerke: | MDRP |
| Generelle mål | |
| Tonnasje: | 429 brt, 239 nrt |
| Daudvekt: | 600 tdw. |
| Lengd: | 143,2 fot (43,6 m) |
| Breidd: | 24,8 fot (7,6 m) |
| Djupgang: | 12,9 fot (3,9 m) |
| Installert effekt : | 210 iHk, 58 nHk |
| Framdrift: | Compound 2 cyl. dampmaskin (Schömer & Jensen) |
| Fart: | 8 knop |
| Karriere |  Noreg |
| Namn: | DS «Smaragd» |
| Eigar: | D/S Smaragd (Lauritz Kloster) |
| Kjøpt: | 1907 |
| Heimehamn: | Stavanger |
| Karriere | Noreg |
| Namn: | DS «Draco» |
| Eigar: | Det Bergenske Dampskibsselskab |
| Kjøpt: | Juni 1911 |
| Heimehamn: | Bergen |
| Karriere | Noreg |
| Namn: | DS «Benedicte» |
| Eigar: | D/S A/S Benedicte (Adolf Andersen) |
| Kjøpt: | Januar 1930 |
| Heimehamn: | Bergen |
| Karriere | Noreg |
| Namn: | DS «Dusken» |
| Eigar: | G.J. Steffensens Rederi A/S |
| Kjøpt: | November 1932 |
| Heimehamn: | Bergen |
| Lagnad: | Forliste 1934 |
DS «Senator Kruger» (kallesignal MDRP) var eit dampskip bygt i 1900 som lasteskip for Carl Tiede i Wismar i Tyskland.
Historie endre
Skipet vart bygt ved Schömer & Jensen i Tønning i Slesvig i Tyskland og levert i 1900.[1]
I 1907 hamna skipet hos norske eigarar då det vart kjøpt av Lauritz Kloster og selskapet D/S Smaragd. Skipet fekk då namnet «Smaragd». I juli 1911 vart skipet kjøpt av Det Bergenske Dampskibsselskab (BDS), som gav det namnet «Draco». Her segla det dei neste tjue åra før det vart selt til Adolf Andersen i Bergen i januar 1930, som gav det namnet «Benedicte». I november 1932 vart det selt på tvangsauksjon til G.J. Steffensens Rederi A/S og nok ein gong fekk det nytt namn, denne gongen «Dusken». På reise mellom Danzig og Gent kantra skipet og sokk i Neufahrwasser den 15. september 1934. 11. oktober same året vart vraket kondemnert og seld for opphogging i Gdynia.
Skipet endre
Tonnasjen til skipet var ved levering 429 brt, 239 nrt og lasteevna var 600 dødvekttonn. Volumet i lasterommet var 685 m³. Hovudmaskinen var ein kolfyrt tosylindra compound dampmaskin, levert av Schömer & Jensen. Oppgjeven yting var 210 iHk (indikerte hestekrefter) og 58 nominelle hestekrefter som gav ein toppfart på 8 knop knop.[2]
Sjå òg endre
Kjelder endre
- ↑ Dag Bakka jr. og Per Alsaker (1988). «Det Bergenske Dampskipselskap - del 1». Skipet. Nr. 1 (Rådal: Skipet). Volum 14: 29. Henta 29. desember 2019.
- ↑ «D/S Draco». Sjøhistorie.no. Henta 29. desember 2019.