DS «Reichenbach»
.jpg)
| |
| Karriere |  Tyskland |
|---|---|
| Namn: | DS «Reichenbach» |
| Eigar: | Deutsch Australische DSGS |
| Verft: | Flensburger Schiffbau-Gesellschaft i Flensburg i Tyskland |
| Verftsnummer: | 267 |
| Jomfrutur: | desember 1906 |
| Heimehamn: | Hamburg |
| Kjennemerke: | MKVH |
| Generelle mål | |
| Type: | Lasteskip |
| Tonnasje: | 4 211 brt, 2 609 nrt |
| Daudvekt: | 7 025 tdw. |
| Lengd: | 388,8 fot (118,5 m) |
| Breidd: | 50,8 fot (15,5 m) |
| Djupgang: | 25,1 fot (7,7 m) |
| Installert effekt : | 472 nHk, 2 200 iHk |
| Framdrift: | Triple 3 cyl. dampmaskin (FSBG) |
| Fart: | 11,25 knop |
| Karriere |  Noreg |
| Namn: | DS «Meteor» |
| Eigar: | Det Bergenske Dampskibsselskab |
| Kjøpt: | Februar 1915 for 790 000 kroner[1] |
| Heimehamn: | Bergen |
| Lagnad: | Skoten i senk 1916 |
DS «Reichenbach» (kallesignal MKVH) var eit dampskip bygt i 1906 som lasteskip for Deutsch Australische DSGS i Hamburg i Tyskland.
Etter å ha blitt internert i Kristiansand i 1914 då den første verdskrigen braut ut, vart skipet kjøpt av Det Bergenske Dampskibsselskab (BDS) og omdøypt DS «Meteor» i 1915. Året etter vart skipet skoten i senk av tyskarane.
Historie
endreSkipet vart bygt ved Flensburger Schiffbau-Gesellschaft i Flensburg i Tyskland og vart levert i desember 1906 om linjeskip.[2]
I august 1914 vart skipet internert i Kristiansand. I februar 1915 kjøpte Det Bergenske Dampskibsselskab skipet for 790 000 kroner.[1] Det var då det desidert største skipet BDS nokon gong hadde hatt i flåten og prisen var rekna som låg for eit så stort skip. Skipsverdiane var gått noko ned då første verdskrigen braut ut i 1914. Skipet var tiltenkt Sør-Amerikalinja til selskapet.
7. desember 1916 vart skipet skoten i senk av den tyske ubåten «UB-29», ført av obertleutnant zur See Erich Platsch, kring 40 kvartmil sørvest av Bishop Rock i Nord-Atlanteren (49.23 N, 07.54 W). Skipet var då på reise frå Philadelphia til London med stykkgods. Alle ombord vart redda.[1]
Skipet
endreTonnasjen til skipet var ved levering 4 211 brt, 2 609 nrt og lasteevna var 7 025 dødvekttonn. Volumet i lasterommet var 11 242 m³. Hovudmaskinen var ein kolfyrt tresylindra ekspansjon dampmaskin, levert av FSBG. Oppgjeven yting var 2 200 iHk (indikerte hestekrefter) og 472 nominelle hestekrefter som gav ein toppfart på 11,25 knop.[1]
Sjå òg
endreKjelder
endre- ↑ 1,0 1,1 1,2 1,3 «D/S Meteor». Sjøhistorie.no. Henta 4. januar 2020.
- ↑ Dag Bakka jr. og Per Alsaker (1988). «Det Bergenske Dampskipselskap - del 1». Skipet. Nr. 1 (Rådal: Skipet). Volum 14: 33. Henta 4. januar 2020.