Flensburg

Flensburg (dansk, nedertysk og norsk: Flensborg, frisisk: Flansborj, sønderjysk: Flensborre) er ein by i Tyskland i delstaten i Schleswig-Holstein nær danskegrensa og innerst i Flensburgfjorden. Han har om lag 85 000 innbyggjarar, og etter Kiel og Lübeck er han den tredje største byen i delstaten.

Flensburg
Flensborg Flensborg
Byvåpen	Plassering
Styresmakter
Land Delstat Regierungsbezirk‎ Landkreis	Tyskland Schleswig-Holstein Ingen Kreisfri by
Grunnlagd	Seinast i 1200
Geografi
Flatevidd  - By	56,38 km²
Innbyggjarar  - By (2006)    - folketettleik	86 479   1 534/km²
Koordinatar	54°46′55″N 09°26′12″E
Høgd over havet	12 m
Tidssone - Ved sommartid	CET (UTC+1) CEST (UTC+2)
Diverse annan informasjon
Postnummer	24901–24944
Telefon-retningsnummer	0461
Bilnummer	FL
Heimeside: www.flensburg.de

Dei næraste større byane er Kiel (69 km mot sør) og Odense i Danmark (92 km nordaust). Flensburg er den nest nordlegaste byen i Tyskland etter Westerland på øya Sylt og ligg om lag 7 km frå den danske grensa.

Fram til 1864 var det danske hertugdømet Slesvig i personalunion med Danmark, slik at byen høyrde til den «hertuglege» delen av riket til den danske kongen. Det er framleis ein dansk minoritet i byen, som har sitt eige skulevesen og bibliotek.

Historie

Flensburg vart grunnlagd seinast i 1200 av danske innbyggjarar. I 1284 fekk han byrettar og vart raskt ein av dei viktigaste byane i hertugdømet Slesvig. I motsetnad til Holstein var ikkje Slesvig ein del av Det tyske riket, og var heller ikkje medlem av Hansaen, sjølv om han hadde viktige kontaktar i dette handelsnettverket.

28. oktober 1412 døydde dronning Margaret I av Danmark om bord på eit skip i hamna i Flensburg som følgje av byllepest. Frå tid til anna førte pest til at mange innbyggjarar i Flensburg mista livet. I 1485 vart Flensburg råka av brann, og stormflod var stundom eit problem som førte med seg øydeleggingar.

Etter Hansaen vart løyst opp på 1500-talet skal Flensburg ha vorte ein av dei viktigaste handelsbyane i Skandinavia. Kjøpmenn frå Flensburg var aktive så langt borte som i Middelhavet, Grønland og Karibia. Trettiårskrigen enda oppgangstida i byen, som etter kvart vart protestantisk, og dermed meir kulturelt og språkleg tysk, medan områda rundt vart verande dansk.

På 1700-talet fekk Flensburg nok ein oppsving som følgje av handel med rom. Først på 1800-talet då industrialiseringa kom vart byen forbigått av byar som København og Hamburg.

I 1864 gjekk byen til Preussen etter den andre schleswigkrigen, men sjølv i dag er det eit større dansk samfunn i byen. 1. april 1889 vart Flensburg ein kreisfri by i Schleswig-Holstein. I 1920 avgjorde Folkeforbundet at det skulle stemmast over grensa mellom Danmark og Tyskland. Etter ei folkeavstemming vart dei nordlege områda av Flensburg dansk, medan størsteparten av byen vart verande tysk.

Under den andre verdskrigen gjekk det relativt fint med Flensburg samanlikna med andre tyske byar som nært sagt vart jamna med jorda. I 1943 mista derimot 20 born livet då barnehagen deira vart bombardert, og like etter krigen kravde ein eksplosjon i eit lokalt ammunisjonslager fleire offer.

Etter den andre verdskrigen nådde byen 100 000 innbyggjarar for ei kort stund, og Flensburg vart rekna som ein storby (Großstadt). Etter kvart fall derimot innbyggjartalet under denne grensa igjen.

• 
  Flensburg (2015)
• 
  Nordertor
• 
  Marineschule Mürwik
• 
  Mürwiker Wasserturm
• 
  Alexandra
• 
  KBA

Kjelder

• Denne artikkelen bygger på «Flensburg» frå Wikipedia på engelsk, den 19. juni 2007.

Bakgrunnsstoff

Wikimedia Commons har multimedia som gjeld: Flensburg

• http://www.flensburg.de
• http://www.flensburg.no
• http://www.flensburg-tourist.de
• http://www.flensborg-avis.de
• http://www.fleno.de
• http://www.dcbib.de
• http://www.flensburg-online.de