DS «Ulefoss» (1906)
| Karriere |  Noreg |
|---|---|
| Namn: | DS «Ulefoss» |
| Eigar: | A/S Manchester (Thor Thoresen Jr.) |
| Verft: | Nyland Mekaniske Verksted i Kristiania/Oslo |
| Verftsnummer: | 166 |
| Jomfrutur: | september 1906 |
| Heimehamn: | Kristiania |
| Kjennemerke: | MCWD - LDFT |
| Generelle mål | |
| Type: | Lasteskip |
| Tonnasje: | 1 230 brt, 749 nrt |
| Daudvekt: | 1 590 tdw. |
| Lengd: | 221,1 fot (67,4 m) |
| Breidd: | 34,2 fot (10,4 m) |
| Djupgang: | 14,7 fot (4,5 m) |
| Installert effekt : | 126 nHk, 650 iHk |
| Framdrift: | Triple 3 cyl. dampmaskin (Nyland) |
| Fart: | 9 knop |
| Karriere | Noreg |
| Namn: | DS «Deneb» |
| Eigar: | Det Bergenske Dampskibsselskab |
| Kjøpt: | Februar 1915 for 277 998 kroner[1] |
| Heimehamn: | Bergen |
| Karriere |  Italia |
| Namn: | DS «Brundusium» |
| Eigar: | Maritime Commercial Brindisina S.A. |
| Kjøpt: | 1934 |
| Heimehamn: | Brindisi |
| Karriere | Italia |
| Namn: | DS «Brundusium» |
| Eigar: | Achille Lauro |
| Kjøpt: | 1937 |
| Heimehamn: | Napoli |
| Karriere |  Tyskland |
| Namn: | DS «Brundusium» |
| Eigar: | Die Deutsche Kriegsmarine |
| Kjøpt: | August 1944 |
| Karriere |  Jugoslavia |
| Namn: | DS «Dunav» |
| Eigar: | Jadranska Slobrodna Plovidba (Adriatic Tramp Shipping ) |
| Kjøpt: | 1954 |
| Heimehamn: | Split |
| Lagnad: | Opphogd 1966 |
DS «Ulefoss» (kallesignal MCWD - LDFT) var eit dampskip bygt i 1906 som lasteskip for A/S Manchester (Winge & Co.) i Oslo.
I 1915 vart det selt til Det Bergenske Dampskibsselskab (BDS) og omdøypt DS «Deneb». Seinare hamna det hos italienske og jugoslavsiske eigarar, før det vart opphogd i 1966.
Historie
endreSkipet vart bygt ved Nyland Mekaniske Verksted i Kristiania og levert i september 1906.[2] Skipet gjekk i rute til vestkysten av Storbritannia og hamnebyane Manchester, Preston og Glasgow frå Oslo. I 1908 tok Thor Thoresen jr. over styringa i selskapet. I 1914 kom Thor Thoresen til avtale med Det Bergenske Dampskipsselskap om samarbeid på denne britiske ruta, og DBS kjøpte i februar 1915 «Ulefoss» for 277 998 kroner[1] og gav det namnet «Deneb». På grunn av første verdskrigen vart det ikkje noko av samarbeidet på ruta, og «Deneb» kom først inn i denne ruta i 1919. I mellomtida, i 1917, vart skipet rekvirert av britiske styresmakter gjennom Shipping Controller og vart drive av H. Doughty & Co. i London.
I 1934 vart skipet selt til Marittima Commerciale Brindisina i Brindisi i Italia, og det vart omdøypt til DS «Brundusium». I 1936-1937 vart det selt til Achille Lauro i Napoli i Italia. 8. september 1943 vart det beslaglagt av tyskarane medan det segla på kysten av Dalmatia i Kroatia. Ein gong i 1945 vart det søkkt av eige mannskap under evakueringa av Dubrovnik i Jugoslovaia. Seinare vart det heva av eit jugoslavisk bergingsselskap og reparert.
I 1954 vart skipet sett i fart att som DS «Dunav» for Jadranska Slobodna Plovidba i Rijeka i Jugoslavia. I 1960 vart det selt til Losinjska Plovidba i Mali Losinj i Jugoslavia, før det i september 1966 vart selt til Cant. Nav. Santa Maria i La Spezia i Italia for opphogging.
Skipet
endreTonnasjen til skipet var ved levering 1 230 brt, 749 nrt og lasteevna var 1 590 dødvekttonn. Volumet i lasterommet var 2 229 m³. Hovudmaskinen var ein kolfyrt tresylindra ekspansjon dampmaskin, levert av Nyland. Oppgjeven yting var 650 iHk (indikerte hestekrefter) og 126 nominelle hestekrefter som gav ein toppfart på 9 knop.[1]
I 1931 fekk skipet straumlinjeror.
Sjå òg
endreKjelder
endre- ↑ 1,0 1,1 1,2 «D/S Castor». Sjøhistorie.no. Henta 4. januar 2020.
- ↑ Dag Bakka jr. og Per Alsaker (1988). «Det Bergenske Dampskipselskap - del 1». Skipet. Nr. 1 (Rådal: Skipet). Volum 14: 34. Henta 4. januar 2020.