Death on Two Legs (Dedicated to...)
| Death on Two Legs (Dedicated to...) Song av Queen frå albumet A Night at the Opera | ||
| Utgjeve | 21. november 1975 | |
| Innspelt | August–November 1975 Sarm East Studios | |
| Sjanger | Hardrock, glamrock | |
| Lengd | 3:43 | |
| Selskap | EMI, Parlophone (Europe) Elektra, Hollywood (US) | |
| Komponist | Freddie Mercury | |
| Tekstforfattar | Freddie Mercury | |
| Låtskrivar(ar) | Freddie Mercury | |
|---|---|---|
| Produsent | Queen Roy Thomas Baker | |
«Death on Two Legs (Dedicated to...)» er ein song av den britiske rockegruppa Queen, og opningssporet på det fjerde studioalbumet deira, A Night at the Opera. Songen vart skriven av Freddie Mercury og skildra visstnok hatet hans mot den tidlegare manageren til Queen, Norman Sheffield, som skal ha mishandsama bandet og manager-rolla si frå 1972 til 1975.
Songen vart spelt inn og miksa i Sarm East Studios seint i 1975. Som med «Bohemian Rhapsody», vart dei fleste gitarpartia på songen først spelte på piano av Mercury, for å vise Brian May korleis dei skulle spelast på gitar.
Tekst
endreSongen vert rekna som «hatbrevet» til Freddie Mercury mot den tidlegare manageren til Queen, Norman Sheffield. Mercury har sagt at teksten var «så hemngjerrig at Brian ikkje likte å syngje han.»[1] Sjølv om songen ikkje har nokre direkte referansar til Sheffield, vart han rysta då han høyrte songen ved Trident Studios då albumet kom ut, og saksøkte både bandet og plateselskapet for injurie. Saka enda med eit forlik,[2] men synte slik at han hadde eit samband til songen.
I sjølvbiografien sin i 2013, Life on Two Legs: Set The Record Straight,[3] nekta Norman Sheffield for å ha behandla bandet dårleg som manager og synte til kopiar av den originale kontrakten mellom han sjølv og Queen frå 1972.
Sheffield døydde i 2014.[4]
Under konsertane dediserte Mercury vanlegvis songen til «ein sann jævel av ein gentleman». Denne linja vart sensurert på albumet Live Killers i 1979.
Konsertopptak
endre«Death on Two Legs» vart ofte framført av QUeen fram til og med The Game-turneen. Det finst eit konsertopptak av songen, frå 1979 på albumet Live Killers. Pianointroduksjonen vart derimot spelt under Hot Space- og The Works-turneane.
Andre versjonar
endre- Rooney spelte «Death on Two Legs» i 2005 på hyllestalbumet Killer Queen: A Tribute to Queen.
- Tony Zaikowski som ein del av «Loser's Lounge»-prosjektet.
- GoGoGo Airheart.
- Dream Theater på albumet Uncovered 2003-2005.
- Heathen i 2004 på EPen Recovered.
- The Protomen i 2012 på albumet The Protomen Present: A Night of Queen.
- Shaolin Death Squad i 2015 på EPen As You Become Us
Songen finst som nedlastbart innhald i Rock Band, framført av Queen sjølv.
Medverkande
endre- Freddie Mercury - solo- og korvokal, piano
- Brian May - gitarar, korvokal
- Roger Taylor - trommer, korvokal
- John Deacon - bassgitar
Kjelder
endre- Denne artikkelen bygger på «Death on Two Legs (Dedicated to...)» frå Wikipedia på engelsk, den 20. juni 2016.
- Wikipedia på engelsk oppgav desse kjeldene:
- ↑ 03-17-1977 Circus Magazine.
- ↑ Sheffield, Norman (2013). Life on Two Legs. UK: Trident Publishing. s. 239. ISBN 9780957513310.
- ↑ [1] Life on Two Legs - Norman Sheffield
- ↑ [2] Trident Studios founder Norman Sheffield dies