Denise Lewis

Denise Lewis (fødd 27. august 1972) er ein britisk tidlegare friidrettsutøvar frå West Bromwich. Ho vart olympisk meister i sjukamp i 2000, i 1998 vart ho europameister i same øvinga. I tillegg vann ho to gullmedaljar i samveldeleikar, to VM-sølv og ein OL-bronse.

Denise Lewis
Statsborgarskap	Storbritannia
Fødd	27. august 1972 (52 år) West Bromwich
Idrett	friidrett
Tok del i	Sommar-OL 2004, Sommar-OL 2000, Sommar-OL 1996, Samveldeleikane 1994
Utmerkingar	offiser av Den britiske imperieordenen, kommandør av Order of the British Empire

Aktiv

Lewis fekk sitt internasjonale gjennombrot då ho oppnådde 6 325 poeng og vann sjukampen ved samveldeleikane 1994 i Victoria i den kanadiske delstaten British Columbia. Året etter enda ho på sjuandeplassen i friidretts-VM 1995. Under dei olympiske leikane i Atlanta i 1996 lukkast ho vinne bronsemedaljen.

Dei to neste sesongane steig Lewis begge åra ein plass opp på sigerspallen. Ho tok sølvmedaljen i sjukampen under VM 1997, einast tyske Sabine Braun plukka fleire poeng, medan det vart gullmedaljar både ved friidretts-EM 1998 i august og samveldeleikane i Kuala Lumpur i september 1998. Ved VM i friidrett 1999 måtte ho sjå seg slått av Eunice Barber, som representerte Frankrike.

Sommaren 2000 var Lewis i sitt livsform, og sette i slutten av juli månad personleg rekord med 6 831 poeng under mangekampstemnet i Talence i Frankrike. Åtte veker seinare opplevde ho høgdepunktet på friidrettsarenaen då ho vann gullmedaljen i sjukamp under Sommar-OL 2000 i Sydney. Ho stod over VM 2001 grunna skade, og EM 2002 grunna fødsel. I 2003 kom ho på femteplass under friidretts-EM, og i 2004 braut ho sjukampen i OL etter fem øvingar.

Medaljar og plasseringar i internasjonale meisterskap

• VM 1995 i Göteborg: Nr 7 - 6 299 poeng
• OL 1996 i Atlanta: Bronsemedalje - 6 489 poeng
• VM 1997 i Aten: Sølvmedalje - 6 654 poeng, bak Sabine Braun (6 739)
• EM 1998 i Budapest: Gullmedalje - 6 559 poeng, framom Urszula Włodarczyk (6 460)
• VM 1999 i Sevilla: Sølvmedalje - 6 724 poeng, bak Eunice Barber (6 861)
• OL 2000 i Sydney: Gullmedalje - 6 584 poeng, framom Jelena Prokhorova (6 531)
• VM 2003 i Paris: Nr 5 - 6 254 poeng
• OL 2004 i Aten: Braut

Kjelder

• Denne artikkelen bygger på «Denise Lewis» frå Wikipedia på tysk, den 7. september 2016.