Deon Hemmings

Deon Hemmings (fødd 9. oktober 1968) er ein jamaicansk tidlegare friidrettsutøvar frå Saint Ann Parish som i 1990-åra og tidleg 2000-tal tilhøyrde verdseliten på 400 meter hekk. Åra 1992-2001 kvalifiserte ho seg til alle åtte OL- og VM-finalane på langhekken. Ho vart olympisk meister i 1996, og tok òg OL-sølv, VM-sølv og to VM-bronsar i øvinga. Dessutan vann ho OL-sølv og VM-bronse i 4 x 400 m stafett med Jamaica.

Deon Hemmings
Statsborgarskap	Jamaica
Fødd	9. oktober 1968 (56 år) Saint Ann Parish
Idrett	friidrett
Tok del i	Sommar-OL 2000, Sommar-OL 1996, Sommar-OL 1992, Samveldeleikane 1994

Aktiv

Hemmings kom på andreplass på 400 m hekk i Samveldeleikane 1994 i Victoria i Australia, engelske Sally Gunnell sigra. I 1995 vann Hemmings si fyrste VM-medalje, ein bronsemedalje på 400 meter hekk i Göteborg.

Høgdepunktet for Hemmings kom under dei olympiske leikane 1996 i Atalanta, der ho lukkast vinne langhekken på ny olympisk rekord, 52,82 sekundar, framom Kim Batten og Tonja Buford-Bailey, begge frå USA. Det var den aller fyrste olympiske gullmedaljen vunne av ei kvinne frå Jamaica. I VM 1997 var ho nær ved å sikre seg nok ein gullmedalje, men måtte gje tapt for Nezha Bidouane frå Marokko. Ho fekk også ein bronsemedalje i same meisterskapen då ho sprang den tredje etappen for Jamaica sitt lag i 4 x 400 meter stafett. To år seinare tok ho i Sevilla si tredje strake VM-medalje i 400 m hekk, ein bronse.

Eit sterkt løp av russiske Irina Privalova hindra Hemmings å forsvare OL-gullet på langhekken då sommarleikane 2000 fann stad i Sydney. Med 53,12 sekundar i sluttid viste ho Hemmings til sølv på tida 53,45. Også i 4 x 400 meter stafett fekk Hemmings ein sølvmedalje for sin og lagkameratane sin innsats.

Ho la opp etter 2001-sesongen.

Medaljar og plasseringar i internasjonale meisterskap

• VM 1991 i Tokyo: Utslått i forsøka (nr 18 – 57,13)
• OL 1992 i Barcelona: Nr 7 på 400 m hekk – 55,58
• VM 1993 i Stuttgart: Nr 6 på 400 m hekk – 54,99
• VM 1995 i Göteborg: Bronsemedalje på 400 m hekk – 53,48
• OL 1996 i Atlanta: Gullmedalje på 400 m hekk – 52,82
• VM 1997 i Aten: Sølv på 400 m hekk – 53,09. Bronse i 4 x 400 m stafett
• VM 1999 i Sevilla: Bronsemedalje på 400 m hekk – 53,16
• OL 2000 i Sydney: Sølvmedaljar på 400 m hekk – 53,45, og i 4 x 400 m stafett
• VM 2001 i Edmonton: Nr 7 på 400 m hekk – 55,83

Kjelder

• Denne artikkelen bygger på «Deon Hemmings» frå Wikipedia på engelsk, den 31. juli 2016.
• «Deon Hemmings» (på engelsk). Olympedia. Henta 9. mars 2023.