Det Norske Misjonsselskap

	Det Norske Misjonsselskap
	; NMS sitt hovudkvarter i Stavanger
Skipa	1842
Hovudkontor	Stavanger
Nettstad	https://nms.no

Det Norske Misjonsselskap (NMS) er ein luthersk misjonsorganisasjon som vart grunnlagt 9. august 1842.

I 1843 samla organisasjonen seg rundt utsending av den første norske misjonæren Hans Palludan Smith Schreuder til Zululand i dagens Sør-Afrika.

NMS samarbeider med kyrkjer i 13 land på fire kontinent og har rundt 100 misjonærar i arbeid (2006). I dei fleste av desse landa har livskraftige kristne kyrkjer vokse fram som eit resultat av arbeidet. Diakonal og sosial innsats går hand i hand med forkynning av den kristne bodskapen. Dette er eit kjenneteikn ved NMS sitt misjonsarbeid.

NMS er ein sjølvstendig organisasjon innanfor Den norske kyrkja og ser seg som ein reiskap for å realisere misjonsoppdraget sitt. Dette skjer gjennom eit omfattande arbeid i ca 3000 misjonssamband og grupper blant barn, unge og vaksne. I tillegg samarbeider NMS nært med lokale kyrkjelydar i Den norske kyrka og har ei rekkje gjevarordningar som sikrar arbeidet.