Det russiske Sametinget

valt politisk organ for samar i Russland

Det russiske Sametinget eller Sametinget på Kolahalvøya er ei representativ forsamling for samar i Russland. Forsamlinga blei etablert i Murmansk den 12. desember 2010. Ho består av 9 representantar, som blir valde av 73 delegatar for dei ulike samiske gruppene. Den første leiaren for sametinget var Valentina Sovkina frå Lovozero.[1]

Det russiske Sametinget
Andre namnrussisk Саамский парламент, Saamskij parlament, kildinsamisk Куелнегк Соамет Соббар Kuelnegk Soamet Sobbar
Skipa12. desember 2010
LeiarValentina Sovkina
Nettstadhttp://saamisups.ucoz.ru/ Sjå dette på Wikidata

Sametinget er skipa som eit direktevald organ etter mønster av sametinga i Noreg, Sverige og Finland. Sametinget på Kolahalvøya arbeider for å betra den sosiale og økonomiske situasjonen for samane i Russland. På sikt håpar forsamlinga å kunna pressa Russland til å ratifisera ILO-konvensjonen om rettane til urfolk og SN sin deklarasjon for rettane til urfolk.[2]

Ifølgje folketeljinga i 2002 budde fleirtalet av dei omtrent 2 000 russiske samane i Murmansk, Lovozero, Revda, Montsjegorsk, Apatity og Olenegorsk. Ein del bur òg på småstadane Murmashii, Shongui, Verkhnetulomsk og Loparskaja mellom Murmansk og Lovozero og i byar på tundraen som Krasnoschelle, Sosnovka og Kanevka.

Det har vore snakka fire samiske språk i Russland. I dag reknar ein med at kildinsamisk blir tala av 300–700 personar, skolte- og tersamisk av færre enn 20 personar, medan akkalasamisk blir rekna som utdøydd.

Kjelder endre

  1. «Saami Assembly in Murmansk Oblast» (på engelsk). Barentssekretariatets. 13. desember 2010. Arkivert frå originalen 24. mars 2012. 
  2. Liv Inger Somby (17. desember 2008). «RUSSLAND: Samene vil ha et eget Sameting». Gáldu. Arkivert frå originalen 17. februar 2012. 

Bakgrunnsstoff endre

  Commons har multimedium som gjeld: Det russiske Sametinget