Didrik Sigbjørnsen

norsk gardbrukar, lærar og politikar

Didrik Sigbjørnsen (6. januar 17856. mars 1881) var ein norsk lærar, kyrkjesongar, gardbrukar og stortingsmann frå Lund i Rogaland.

Didrik Sigbjørnsen
Fødd6. januar 1785
Lund
Død6. mars 1881 (96 år)
Statsborgar avNoreg
Yrkelærar, bonde, politikar
BarnElias Didrichsen
Alle verv

Han var son til ein lensmann og gardbrukar i Lund. Sjølv byrja han som skulehaldar i 1799. Tre år seinare, 1802, vart han tillegg kyrkjesongar, ei stilling han hadde til 1859. År 1808 kjøpte han garden Moi i Lund, og dreiv denne. Han kom i 1838 med i det fyrste heradsstyret i Lund, og var ordførar i åtte år. Elles var han forlikskommissær 1816-79 og valmann 1823-44.

Sigbjørnsen var stortingsmann i 1824, 1830, 1833 og 1839. Han var i 1824 medlem av kyrkjekomiteen og om komiteen om innløysinga av riksbanksetlane. I 1830 og 1833 var han medlem av kyrkjekomiteen og komiteen om kjøpstadskatten. Attåt dette kom at han i 1833 var han medlem av valkomiteen. I 1839 var han medlem av tollkomiteen.

Tildelt borgardådsmedaljen i sølv.

Han døydde på garden sin i Lund i 1881.

Kjelder endre