Elva Driva

Driva har fleire tydingar, sjå Driva (fleirtyding)

Driva
elv
Driva ved Gikling i Sunndalen
Land	Noreg
Fylke	Trøndelag, Møre og Romsdal
Nedslagsfelt	2 493 km²
Sideelvar	Vinstra, Åmotselva, Ålma, Dørreselva, Festa, Dindøla, Vindøla, Grøvu, Grøa
Lengd	137,8 km
Middelvassføring	67 m³/s
Kjelde	Svåni på Dovrefjell
•  høgd	887 moh.
Munning	Sunndalsfjorden ved Sunndalsøra
•  høgd	0 moh.
Elva Driva 62.6674°N 8.5794°E / 62.6674; 8.5794
Wikimedia Commons: Driva

Driva er ei elv som renn gjennom Trøndelag og Møre og Romsdal. Driva renn frå Dovrefjell i sør gjennom Drivdalen ned til Oppdal, og frå der vestover ned til Sunndalsøra.

Løpet ned Drivdalen til Oppdal er stridt og trongt. Ved gjelet Mågålaupet er løpet så smalt at det skal vere mogeleg å hoppe over.

Elva er om 137,8 km lang.

Driva har vore ei god sjøaure- og lakseelv, men er i seinare år vorte hardt råka av lakseparasitt.

Mange av sideelvene vest for Oppdal er tørrlagt og fleire av fjellvatna i området er demd opp, før det vatnet vert ført i røyr gjennom fjellet til Driva kraftverk i Sunndal. Det største vatnet i vassdraget er Gjevillvatnet med ei lengd på 20 km og ei breidd på om lag 1 km.

Elva vert rekna som nasjonalt laksevassdrag og er verna med omsyn til Verneplan III for vassdrag.

Før siste istid rann Driva nordover frå Oppdal og ut i elva Orkla.

Fiske

Driva var tidlegare ei god lakseelv, spesielt i den delen som blir kalla Sunndalselva der mange engelske lakselordar kom att sommar etter sommar. På grunn av lakseparasitten Gyrodactylus salaris har laksestamma blitt redusert.

Elva er òg ei av dei beste sjøaure her i landet, ofte nummer 1 eller 2 når det gjeld fangst.

Både laks og aure går opp forbi Oppdal til Driva som ligg om lag 80 km frå sjøen.