Elisa Silva
Elisa Silva (fødd 7. mai 1999) er ein portugisisk songar frå øya Madeira. I 2020 vann ho den portugisiske songtevlinga Festival da Canção med songen «Medo de Sentir». Etter sigeren skulle Silva ha representert Portugal i Eurovision Song Contest 2020 i Rotterdam i Nederland, men 18. mars 2020 avlyste EBU Eurovision Song Contest på grunn av koronaviruspandemien i Europa vinteren 2020.[1][2]
| Elisa Silva | |||
 | |||
| Fødd | 7. mai 1999 (25 år) | ||
|---|---|---|---|
| Fødestad | Madeira | ||
| Opphav | Portugal | ||
| Aktiv | 2019– | ||
| Sjanger | pop | ||
| Verka som | vokalist | ||
Bakgrunn
endreSilva vart fødd på Madeira og dreiv med musikk allereie som barn. Ho deltok i fleire lokale musikkfestivalar, og vart inspirert av musikk frå 1960-, 1970- og 1980-åra – og då artistar som The Beatles, Queen, Eagles og ABBA.[3]
Som 17-åring byrja Silva å studere jazz ved Conservatório da Madeira. Seinare studerte ho musikk i hovudstaden Lisboa og signerte platekontrakt med Warner.[3]
I 2020 var Silva ein av deltakarane i den portugisiske songtevlinga Festival da Canção i regi av kringkastaren RTP. Silva vann finalen laurdag 7. mars 2020 med låten «Medo de sentir», og skulle dimed ha representert Portugal i Eurovision Song Contest 2020 i Rotterdam i Nederland.[4] Ho skulle ha delteke i den andre semifinalen torsdag 14. mai 2020 i Rotterdam Ahoy. På grunn av koronavirusutbrotet i Europa vinteren 2020 vedtok EBU å avlyse Eurovision Song Contest for å hindra spreiing av koronaviruset SARS-CoV-2 og den medfølgjande sjukdomen COVID-19.[5]
Referansar
endre- ↑ «Elisa wins Festival da Canção and ticket to Eurovision». 8. mars 2020. Henta 8. mars 2020.
- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ 3,0 3,1 «Portugal: Elisa wins Festival da Canção 2020 with "Medo de sentir"» (på engelsk). 8. mars 2020. Henta 8. mars 2020.
- ↑ «Elisa is Portugal's choice for Rotterdam». eurovision.tv. 7. mars 2020. Henta 8. mars 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- Denne artikkelen bygger på «Elisa Silva» frå Wikipedia på bokmål, den 21. november 2021.