Elling Bolt Holst
Elling Bolt Holst (fødd 19. juli 1849 i Drammen, død 2. september 1915) var ein norsk matematikar og forfattar.
| Elling Bolt Holst | |||
 | |||
| Fødd | 19. juli 1849 Drammen kommune | ||
|---|---|---|---|
| Død | 2. september 1915 Bærum kommune | ||
| Nasjonalitet | Noreg | ||
| Yrke | matematikar, universitetslærar, biograf, barnebokforfattar | ||
| Institusjonar | Universitetet i Oslo | ||
| Alma mater | Universitetet i Oslo | ||
| Doktorgradsrettleiar | Sophus Lie | ||
| Medlem | Det Norske Videnskaps-Akademi | ||
Holst var elev av Sophus Lie, og han studerte geometri under Felix Klein. Etter studium i Paris og England tok han doktorgraden (dr. philos) i 1882 med avhandlinga: Et par syntetiske methoder, især til brug ved studiet af metriske egenskaber. Holst vart i 1891 overlærer ved Kristiania tekniske skole og frå 1894 dosent i matematikk ved Universitetet i Kristiania. Han var tilsett ved universitetet fram til avskjeden sin i 1912.
Han fekk i 1878 kronprinsens gullmedalje for avhandlinga Om Poncelets betydning for geometrien. Han skreiv òg biografiar om dei norske matematikarane Sophus Lie, Cato Maximilian Guldberg, Carl Anton Bjerknes og Niels Henrik Abel. Holst var kjend som ein dugeleg lærar og ein god miljøskapar. Han er òg kjend for barnebøkene sine (blant anna Norsk billedbok for barn).
Holst var formann i styret for Nasjonalgalleriet 1897–1905 og medlem av Videnskabsselskabet i Kristiania (no Det Norske Videnskaps-Akademi) frå 1881. Han blei utnemnd til riddar av 1. klasse av St. Olavs Orden i 1902.
Kjelder
endre- «Elling Bolt Holst». Store norske leksikon. 9. november 2011.
Bakgrunnsstoff
endre- Matematikklærere ved UiO Arkivert 2008-04-12 ved Wayback Machine. - Elling Bolt Holst
- Elling Holst, Om Poncelet's Betydning, 1878, digitalisert av Prosjekt Runeberg