Ervik kyrkje
Ervik kyrkje, tidlegare Ervik kapell, òg kalla St. Svithuns minnekapell, står i Ervika på Stadtlandet i Stad kommune i Vestland, og er ei langkyrkje frå 1970.[1]
| Ervik kyrkje | |||
| kyrkje | |||
 Ervik kyrkje
Foto: Kremle | |||
| Land |  Noreg
| ||
|---|---|---|---|
| Fylke | Vestland | ||
| Kommune | Stad | ||
| Kyrkjesamfunn | Den norske kyrkja | ||
| Bispedøme | Bjørgvin | ||
| Prosti | Nordfjord | ||
| Sokn | Ervik | ||
| Fellesråd | Stad | ||
| Type | Langkyrkje | ||
| Arkitekt | Arnstein Arneberg og Olav Platou | ||
| Teknikk | Mura | ||
| Innvigd | 14. juni 1970[1] | ||
| Sitjeplassar | 150 | ||
 Ervik kyrkje 62°10′01″N 5°07′00″E / 62.167°N 5.1166°E | |||
| Wikimedia Commons: Ervik kyrkje | |||
Kyrkja vart reist til minne om forliset til hutigruteskipet DS «Sanct Svithun» under andre verdskrigen. Skipet vart bomba av allierte fly 30. september 1943, og gjekk ned. Bygdefolket medverka sterkt til berging av folk frå skipet. 78 vart berga medan 50 miste livet. Kyrkja vart sett opp til minne om både bergingsinnsatsen og dei som omkom.[1] Skipsklokka frå «Sanct Svithun» heng i kyrkjetårnet saman med ei klokke frå 1844. Inni kyrka er det fleire minne frå skipet, mellom anna ein skipsmodell og fløyta frå skipet. Det heng òg ei minneplate der med namna på dei 50 som omkom.[1] Ankeret ligg utanfor kyrkja.[2]
Teikningane til kyrkja vart laga av Arnstein Arneberg og Olav Platou. Kyrkja har sitjeplassar til 150 personar. [1]
Gudshuset hadde status som kapell fram til 1997, då vart området eige kyrkjesokn med Ervik kyrkje som soknekyrkje.[1]
Kyrkjegarden
endreDet har vore gravstad i Ervika sidan før 1550. Truleg var det sjøfararane som hadde drukna på Stadthavet dei fyrst byrja å gravleggje der. Ei segn fortel at nokre portugisiske sjømenn var dei fyrste som vart gravlagde i Ervika. Selje-presten kom i eldre tid til Ervika ei gong om året for å jordfeste dei som var vorte gravlagde der gjennom året.[1]
Sjå òg
endreFotnotar
endre- ↑ 1,0 1,1 1,2 1,3 1,4 1,5 1,6 Djupedal, Torkjell; Vengen, Sigurd; Gjerde, Anders. «Ervik kyrkje». Kulturhistorisk leksikon. Fylkesarkivet i Vestland. Henta 2. mars 2021.
- ↑ ««Ervik kapell» i NRK sogn og Fjordane Fylkesleksikon». Vitja 14. januar 2009
Bakgrunnsstoff
endre- Om Ervik sokn på nettstaden til Den norske kyrkja
- «Ervik kapell» i NRK Sogn og Fjordane Fylkesleksikon
- «Kirkebøker, Sogn og Fjordane» på nettstaden til Arkivverket
- Kart frå 1979 som viser kyrkjestader og soknegrenser, på nettstaden til Universitetet i Bergen
- Skanna kyrkjebøker frå Sogn og Fjordane på nettstaden til Arkivverket
- Reisemål Stryn og Nordfjord Arkivert 2013-08-26 ved Wayback Machine.
- Ervik kyrkje i kulturminnesok.no, nettstaden til Riksantikvaren
- «Ervik kyrkje». Kirkesøk. Den norske kyrkja.