Euridice
Euridice (òg Erudice eller Eurydice) er ein opera av Jacopo Peri, med noko musikk av Giulio Caccini. Han vart først framført i Firenze den 6. oktober 1600 med libretto skriven av Ottavio Rinuccini, basert på Ovid sitt Metamorfoser.
| Opera av Jacopo Peri | |||
| Sjanger | Opera | ||
|---|---|---|---|
| Periode | Barokken | ||
| Komponert | 1600 | ||
| Urframføring | 6. oktober 1600 6. oktober 1600 | ||
| Typisk lengd | 103:21 | ||
Historie
endreOperaen vart skriven for bryllaupet til Henrik IV og Maria de Medici. Dette vert av somme rekna for å vere den andre moderne operaen som vart skriven og den tidlegaste operaen som har overlevd fram til i dag. Den første, Dafne, òg av Peri, vart skriven i 1597.
Operaen vart først framført i Palazzo Pitti. Peri sjølv song hovudrolla og mange av dei andre rollene vart spelte av medlemmer i følgjet til Caccini, inkludert dottera Francesca Caccini. Caccini skreiv faktisk ein heil opera kalla Euridice til same libretto og fekk han publisert før Peri sin. Caccini sin opera vart derimot ikkje framført før 1602 og vart aldri framført på ny, truleg fordi Peri si utgåve vart særs populær.
Euridice inneheld nokre av dei første døma på resitativ. Peri set varsamt tempoet i stemma og akkompagnementet for å legge vekt på spaning og frigjering i teksten. Rytmane og melodiske vendingar i vokallinja imiterer tale. I tillegg er lidenskaplege utrop sett med uførebudde dissonansar og uventa bassrørsler.
Roller
endre| Rolle | Røyst | |
|---|---|---|
| La Tragedia | sopran | |
| Euridice | sopran | |
| Orfeo | tenor | |
| Aminta, ein gjetar | tenor | |
| Arcetro, ein gjetar | kontraalt | |
| Tirsi, ein gjetar | tenor | |
| Caronte | bass | |
| Dafne | sopran | |
| Plutone | bass | |
| Proserpina | sopran | |
| Radamanto | tenor | |
| Venere | sopran | |
| Nymfer og gjetarar, skuggar og guddommar frå dødsriket | ||
Kjelder
endre- Denne artikkelen bygger på «Euridice (Peri)» frå Wikipedia på engelsk, den 17. juli 2010.
- Wikipedia på engelsk oppgav desse kjeldene:
- William V. Porter. "Jacopo Peri", Grove Music Online, ed. L. Macy, grovemusic.com Arkivert 2008-05-16 ved Wayback Machine. (krev abonnement).
- Howard Mayer Brown. "Euridice (i)", Grove Music Online, ed. L. Macy, grovemusic.com Arkivert 2008-05-16 ved Wayback Machine. (krev abonnement).