Eva Blytt
Eva Blytt (12. april 1867–8. mai 1937) var ein norsk forfattar, kvinnesaksforkjemper, teosof og dyrevernsaktivist.
| Eva Blytt | |
| Statsborgarskap | Noreg |
| Fødd | 12. april 1867 Bergen |
| Død |
8. mai 1937 (70 år) |
| Yrke | skribent, kvinnesaksforkjemper, generalsekretær, omsetjar |
| Medlem av | Norsk Kvinnesaksforening, Teosofisk samfunn |
Liv og virke
endreBlytt var fødd i Bergen. Etter middelskoleeksamen var Eva Blytt elev ved Nissens Seminar i Kristiania. Deretter var ho guvernante i Os, før ho flytta til Kristiania og arbeidde som korrekturlesar i Morgenbladet. Ho gjorde eit studieopphald i Hamburg i 1894–1895, og var samtidig korrespondent for Bergens Tidende.
Blytt var i ein lengre periode medarbeidar i kvinnesaktidsskriftet Nylænde. Der skreiv ho i hovudsak om kvinnesak, hygiene og vegetarisme, tema ho òg tok for seg i i dagspressa.
I åra 1901–1904 oppheldt ho seg i London, der ho arbeidde i slumkvartera. På denne tida var ho vorte engasjert i teosofien, som ho studerte under opphaldet i England. Ho studerte hos mellom andre Annie Besant, som ho òg omsette bøker av.[1]
Blytt utfolda det teosofiske ideuniverset sitt i bøker som Golgata-korset i teosofisk lys (1910) og Lotus-breve (1913). Ho var generalsekretær i Teosofisk Samfund i Norge[2] og formann i Kristianialogen.[3]
Seinare reiste ho til Adyar i India for å arbeide der. Dette opphaldet måtte ho likevel avbryta på grunn av veik helse. Under pseudonymet E.B. gav ho i 1920 i Gamle og nye idealer i opdragelsen i omsetjing frå C. Jinarajadasa.[4]
Seinare overtok ho stemora Marie Blytt (fødd Schnitler) sitt engasjement for dyrevelferd og anti-viviseksjon.
Familie
endreEva Blytt var dotter av dispasjør Peter Michael Blytt (født 1836) og Salome Gunhilda Christiane Moltzau (født 1833).[5] Ho vart verande ugift.
Bibliografi
endre- 1910: Golgata-korset i teosofisk lys
- 1913: Lotus-breve[6]
Kjelder
endre- ↑ «1901-1910», www.nb.no, henta 11. november 2021
- ↑ «Illustrert biografisk leksikon over kjendte norske mænd og kvinder», www.nb.no, henta 11. november 2021
- ↑ «Livsstigen», www.nb.no, henta 11. november 2021
- ↑ «Norsk anonym- og pseudonymlexikon = : Dictionary of anonyms and pseudonyms in Norwegian literature», www.nb.no, henta 11. november 2021
- ↑ Ministerialbok for Korskirken prestegjeld 1852-1867 (1301M2), Viede: 1859-08-10
- ↑ «Lotus-breve», www.nb.no, henta 11. november 2021
- Denne artikkelen bygger på «Eva Blytt» frå Wikipedia på bokmål, den 11. november 2021.
Litteratur
endre- Sommerfeldt, W.P. (1939). Avdøde norske forfattere fra tiden efter 1921. s. 21.
- Skjult visdom - universelt brorskap. Emilia. 1998. s. 44–45. ISBN 8274190424.