Everybody’s Got Something to Hide Except Me and My Monkey

Everybody's Got Something to Hide Except Me and My Monkey Song av The Beatles frå albumet The Beatles
Utgjeve	22. november 1968
Innspelt	27. juni og 1. juli 1968
Sjanger	Hardrock
Lengd	2:24
Selskap	Apple
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon–McCartney
Produsent	George Martin

«Everybody's Got Something to Hide Except Me and My Monkey» er ein song av The Beatles frå dobbeltalbumet The Beatles (White Album) som vart gjeven ut i 1968. Songen er skriven av John Lennon, men på vanleg vis tilskriven Lennon/McCartney.

I 1980 sa John Lennon «Det var ei slik flott tekstlinje som eg gjorde om til ein song. Den var om meg og Yoko. Alle syntest å vere så paranoide bortsett frå oss to, vi som skein av kjærleik. Alt saman er klårt og opent når du er forelska. Alle andre rundt oss var så spente, 'Kva er det ho gjer her på innspelinga? Kvifor er ho saman med han?' All den galskapen som skjedde rundt oss berre fordi vi tilfeldigvis ønskte å vere saman heile tida.»

Mange syntes denne songen er ein av dei mest bråkete og masete på Det kvite albumet, saman med «Birthday», medan andre igjen lovprisar begge for å vere tøffe og utgåver av tidleg pønk. Det er tydeleg at The Beatles eksploderte i denne songen og var meir rockete enn på lang tid med grunnformelen til bandet - to elektriske gitarar (Lennon og Harrison), bass (McCartney) og trommer (Starr).

Teksten er ikkje så erotisk som ein gjerne vil ha det til, ifølgje den norske Beatles-eksperten Bård Ose, trass i kåte tilrop og hyl. Kvasifilosofiske tekstlinjer som «The deeper you go the higher you fly/The higher you fly the deeper you go/Your inside is out when your outside is in. Your outside is in when your inside is out...» er eigentleg plukka direkte frå Maharishi Mahesh Yogi sine leksjonar i India.

Medverkande

• John Lennon – solovokal, rytmegitar, perkusjon, klapping
• Paul McCartney – korvokal, bassgitar, bjølle, perkusjon, klapping
• George Harrison – korvokal, sologitar, perkusjon, klapping
• Ringo Starr – trommer, perkusjon, klapping

Personell per Ian MacDonald utanom der andre nemnde.

Andre versjonar

• Fats Domino spelte denne songen in 1969.
• The Feelies spelte songen i 1980 på debutalbumet Crazy Rhythms.
• Soundgarden spelte inn songen i 1989 under Peel session.
• Phish på albumet Live Phish Volume 13.
• Kristin Hersh i 1999 på EP-en Echo.
• Då Mojo gav ut The White Album Recovered i 2008, ein del av ein nserie der albuma til Beatles vart covra spor for spor av moderne artistar, vart songen spelt av My Brightest Diamond.

Parodi

Beatallica har parodiert denne songen, saman med «Ticket to Ride» av The Beatles og «Ride the Lightning» av Metallica, i ein song kalla «Everybody's Got a Ticket to Ride Except for Me og My Lightning».

Bakgrunnsstoff

• Instrumentering og tekst Arkivert 2005-11-03 ved Wayback Machine.
• Alan W. Pollack om songen

Kjelder

• Denne artikkelen bygger på «Everybody’s Got Something to Hide Except Me and My Monkey» frå Wikipedia på bokmål, den 9. februar 2009.
  • Wikipedia på bokmål oppgav desse kjeldene:
• Emerick, Geoff; Massey, Howard (2006). Here, There and Everywhere: My Life Recording the Music of the Beatles. New York: Penguin Books. ISBN 1-59240-179-1. 
• MacDonald, Ian (2005). Revolution in the Head: The Beatles' Records and the Sixties (Second Revised utg.). London: Pimlico (Rand). ISBN 1-84413-828-3.