Fjøløy fyrstasjon

Fjøløy fyrstasjon
	;
Fylke	Rogaland
Kommune	Rennesøy
Funksjon	Leifyr
Oppretta	1849
Koordinatar	59°05.3368′N 5°34.1274′E / 59.0889467°N 5.5687900°E
Fyrtårn
Høgd	8,2
Form	Lyktehus på søyle
Byggjemateriale	Betong
Fyrlys
Lyskarakter	To okkulterande glimt
Lyshøgd	17,5 moh.
Lysvidde	13,3 nm
Status
Eigar	Staten ved Kystverket
Automatisert	1977
Avfolka	1977
; Fjøløy fyrstasjon; 59°05′20″N 5°34′08″E / 59.08888889°N 5.56888889°E

Fjøløy fyrstasjon er eit fyr som ligg i Stavanger kommune ved Kvitsøyfjorden mellom Tungenes og Vestre Bokn.

Plasseringa til Fjøløy fyrstasjon

Det vart bygd i 1849 og automatisert i 1977. Næraste nabo er Utstein Kloster på naboøya Klosterøy og vert derfor lett oversett av turistar. Fyret ligg vakkert til ved Kvitsøyfjorden og det er utsikt nord til Karmøy, vest mot Kvitsøy og sørover til Tungenes og Randaberg. Det er òg fine høve for fuglekikking.

Det var sildefiskeria på midten av 1800-talet som gjorde at folk pressa på for å få bygt fyr her. I 1849 vart ikkje mindre enn åtte nye fyr sett i drift på strekninga frå Bergen til Stavanger. Fyret brann berre om nettene under sildefisket dei første åra. Sjølve fyrhuset målte 2,5x2,5 m. Det var ein bonde i nærleiken som stod for drifta. Snart kom det krav om å forlenge drifta, og i 1852 vart fyret drifta i sju månader og seinare, i 1855, ti månader. Fyret låg i seglingsleia til byen og var veldig viktig for ferdsla. I 1866 sette Fyrvesenet opp eit 70 m² stort hus som bustad for fyrvaktaren. Huset låg tett ved fyrlykta. I 1954 vart det bygd eit fyrtårn i betong og ny bustad for fyrvaktaren nedanfor sjølve lykta. Fyrvaktaren har i fritida laga ein kjøkkenhage rett ved huset. For at hagen skulle ligge i livd vart det bygd ein mur av stein rundt hagen.

Bygningane er stengde for publikum, men ein kan vandre fritt i området rundt.

Sjå òg

Kjelder

Denne artikkelen bygger på «Fjøløy fyr» frå Wikipedia på bokmål, den 7. oktober 2008.

Andre kjelder

«Norsk fyrliste 2008» (PDF). Kystverket.
«Fjøløy fyrstasjon». Norsk Fyrhistorisk Forening.