Fjøreplytt

Status i verda: LC Livskraftig
Status i Noreg: LC Livskraftig

Fjøreplytt Foto: Andreas Trepte
Fjøreplytt
Foto: Andreas Trepte
Systematikk
Familie: Snipefamilien
Vitskapleg namn
Calidris maritima

Fjøreplytt (Calidris maritima) er ein fugl i snipefamilien som held til i kystområde på den nordlege halvkula, i Europa, Asia og Russland.

Fjøreplytt, fjørepist, fjæreplytt, fjærepist
Namn på andre språk
SvenskSkärsnäppa
DanskSortgrå ryle
EngelskPurple Sandpiper
TyskMeerstrandläufer
FranskBécasseau violet
SpanskCorrelimos oscuro
RussiskMorskoj pesotsjnik (Морской песочник)

SkildringEndra

Hannfuglen og hoa er like store, omtrent 22 cm. Han er mellom myrsnipa og polarsnipa i storleik. Fuglen er tettbygd og kortbeint. Vinter- og sommardrakta er omtrent like. Han er mørkegrå og brun over heile kroppen, bortsett frå buken, som er kvit. Føtene er gule. Fjøreplytten har eit langt, litt bøygd nebb som er mørkebrunt, men gult ved rota. Fuglen har ein mørk flekk ved auget, og ein tilsvarande større flekk ved øyret. Han kan skiljast frå myrsnipa ved at han ikkje har ein svart bukflekk.

Fjøreplytten er også svært lite sky. Han er mest talrik i Nord-Noreg. Fuglen liker seg i vegetasjonsfattige område i låglandet, helst ved vatn.

FormeiringEndra

 
Kartet viser utbreiinga til fjøreplytt. Fuglen hekkar i gule område, overvintrar i blå og held til i grøne område heile året.

Fjøreplytt hekker på tundra, på ulike stader i Canada, Nordvest-Europa og på Grønland. Fuglen lager reiret i ei grop fylt med tørre blad og liknande. Hoa legg 3 eller 4 grøne eller lysebrune egg med brune flekkar i juni, og både hannfuglen og hofuglen rugar i til saman ca. 21 dagar. Ungane kan fly 3 veker gamle.

LevevisEndra

 
Fjøreplytt i fjøra i North Carolina.

Fjøreplytt et insekt og smådyr, men òg vegetabilsk føde. Fuglane lever som regel i små flokkar, gjerne i lag med steinvendarar.

Om vinteren trekker mange fuglar sørover frå hekkestadene til isfrie område langs atlanterhavskysten. Dei dreg sjeldan lengre sør enn North Carolina i USA eller Nord-Portugal i Europa. Dei fleste fuglane i Noreg overvintrar, men nokre trekker sørover til andre nordsjøkystar.

BakgrunnsstoffEndra

  Wikimedia Commons har multimedia som gjeld: Fjøreplytt