A Gift from a Flower to a Garden

(Omdirigert frå For Little Ones)
A Gift from a Flower to a Garden
Studioalbum av Donovan
Språk engelsk
Utgjeve Desember 1967 (USA)
16. april 1968 (Storbritannia)
Sjanger Folkrock, psykedelisk rock
Lengd 59:24
Selskap Pye NPL20000 (Monaural) / NSPL 20000 (Stereo) (Storbritannia)
Epic L2N6071 (Monaural) / B2N171 (Stereo) (USA)
Produsent Mickie Most
Donovan-kronologi 
Mellow Yellow
(1967)
A Gift from a Flower to a Garden Donovan in Concert
(1968)
Singlar frå A Gift From a Flower to a Garden
  1. «Wear Your Love Like Heaven»
    Utgjeve: Desember 1967 (USA)

A Gift from a Flower to a Garden er det femte albumet til den skotske visesongaren Donovan, og det første dobbeltalbumet hans i karrieren og ein av dei første plateboksane i rockemusikken. Det kom ut i USA i desember 1967 (Epic Records L2N 6071 (monaural) / B2N 171 (stereo)) og i Storbritannia den 16. april 1968 (Pye Records NPL 20000 (monaural) / NSPL 20000 (stereo)). I desember 1967 gav Epic Records òg dei to albuma frå A Gift from a Flower to a Garden ut som separate album i USA. Den første plata fekk namnet Wear Your Love Like Heaven og den andre For Little Ones.

Meldingar
Karakter
KjeldeKarakter
AllMusic
(original double album)
4.5/5 stars[1]
AllMusic
(for Wear Your Love Like Heaven)
4.5/5 stars[2]
AllMusic
(for For Little Ones)
3/5 stars[3]
MusicHound3/5 stars[4]
The Rolling Stone Album Guide3.5/5 stars[5]

Historie endre

Etter å ha spelt inn Mellow Yellow fokuserte Donovan på å gje ut hitsinglar. «Epistle to Dippy» nådde Topp 20 i februar 1967 og «There is a Mountain» (#11 US; #8 UK) følgde i august.

Med suksessen som desse singlane gav han, gjekk Donovan i studio i oktober for å spele inn det neste albumet sitt. Dobbeltalbumet bestod av ei side med elektrisk pop (Wear Your Love Like Heaven) og ei anna med akustisk barnemusikk (For Little Ones). Den akustiske plata let Donovan presentere ei side av låtskrivinga si ein ikkje hadde sett på hitsinglane. Det let han òg syne styrken hans som gitarist og artist på ein måte han ikkje kunne med studiomusikarar.

Medan Mickie Most produserte singlane frå albumet («Wear Your Love Like Heaven» med «Oh Gosh»), og er tilskriven som produsent på albumet, er det i røynda Donovan som produserte det meste av songane sjølv.

«Mad John's Escape» er ein song skriven for ein ven av Donovan som rømde frå eit mentalsjukehus. Songen omhandlar rømminga til Mad John og eventyra han opplevde.

«Under the Greenwood Tree» vart opphavleg skriven av William Shakespeare, og sett til musikk av Donovan for Royal National Theatre, som planla å nytte songen i eit teaterstykke. Mot slutten av songen syng Donovan «Will you, won't you... join the dance?» som ein referanse til refrenget i T«he Lobster Quadrille» i kapittel ti i Lewis Carroll-romanen Alice's Adventures in Wonderland.

«Epistle to Derroll» er tileigna banjospelaren og songaren Derroll Adams, som var ei tidleg inspirasjonskjelde for Donovan.

I teksten til plateomslaget skriv Donovan at han ønskte å lage to plate, ein for den noverande generasjonen, og ein for den komande. Han åtvara òg mot dopmisbruk. Fleire av dei tidlegare innspelingane hans hadde både skjulte og openberre referansar til dopbruk (særleg marihuana og LSD, men etter utgjevinga av Mellow Yellow, hadde han både vorte arrestert og dømd for bruk av marihuana, og sett folk han kjende starta nytte hardare narkotika (speed, heroin, kokain), og korleis det øydela liva deira. I staden fremma Donovan meditasjon og andre teknikkar i dei nye songane sine.

Innhald endre

Wear Your Love Like Heaven (album 1) endre

Alle songar er skrivne av Donovan Leitch, bortsett frå der andre er nemnde.

Side ein
Nr.TittelLengd
1.«Wear Your Love Like Heaven»02:27
2.«Mad John's Escape»02:20
3.«Skip-a-long Sam»02:26
4.«Sun»03:17
5.«There Was a Time»02:02
Side to
Nr.TittelLåtskrivar(ar)Lengd
6.«Oh Gosh» 01:48
7.«Little Boy in Corduroy» 02:34
8.«Under the Greenwood Tree»tekst av William Shakespeare, musikk av Donovan Leitch01:58
9.«The Land of Doesn't Have to Be» 02:30
10.«Someone Singing» 03:07

For Little Ones (album 2) endre

Alle songar er skrivne av Donovan Leitch.

Side ein
Nr.TittelLengd
1.«Song of the Naturalist's Wife»02:47
2.«The Enchanted Gypsy»03:21
3.«Voyage into the Golden Screen»03:15
4.«Isle of Islay»02:24
5.«The Mandolin Man and His Secret»03:35
6.«Lay of the Last Tinker»01:49
Side to
Nr.TittelLengd
7.«The Tinker and the Crab»02:55
8.«Widow with Shawl (A Portrait)»03:02
9.«The Lullaby of Spring»03:27
10.«The Magpie»01:31
11.«Starfish-on-the-Toast»02:45
12.«Epistle to Derroll»05:44

Medverkande endre

  • Donovan - vokal, gitar, munnspel, plystring
  • Eric Leese - elektrisk gitar
  • Cliff Barton - bass
  • Jack Bruce - bass på «Someone's Singing»
  • Ken Baldock - kontrabass
  • Mike O'Neill - klaverinstrument
  • Keith Webb - trommer
  • Tony Carr - trommer, bjøller, kongatrommer, fingercymbal
  • Mike Carr - vibrafon
  • «Candy» John Carr - congatrommer
  • Harold McNair - fløyte

Kjelder endre

  1. Eder, Bruce. «Donovan A Gift from a Flower to a Garden». Henta 5. april 2018. 
  2. Bush, John. «Donovan Wear Your Love Like Heaven». Henta 5. april 2018. 
  3. Bush, John. «Donovan Wear Your Love Like Heaven». Henta 5. april 2018. 
  4. Graff, Gary; Durchholz, Daniel (eds) (1999). MusicHound Rock: The Essential Album Guide. Farmington Hills, MI: Visible Ink Press. p. 355. ISBN 1-57859-061-2.
  5. Randall, Mac; Brackett, Nathan; Hoard, Christian (eds) (2004). The New Rolling Stone Album Guide (4th edn). New York, NY: Simon & Schuster. p. 253. ISBN 0-7432-0169-8.

Bakgrunnsstoff endre