Future Blues av Canned Heat

Future Blues Studioalbum av Canned Heat
Språk	engelsk
Utgjeve	3. august 1970
Innspelt	1970
Studio	Village Recorders i Los Angeles
Sjanger	Bluesrock
Lengd	35:25
Selskap	Liberty
Produsent	Skip Taylor, Canned Heat
Canned Heat-kronologi
Hallelujah (1969)	Future Blues	Vintage (1970)

Future Blues er det femte studioalbumet til det amerikanske rockebandet Canned Heat, gjeve ut i 1970. Det var det siste albumet til bandet med den klassiske besetninga, sidan Larry Taylor og Harvey Mandel slutta kort tid etter utgjevinga og låtskrivaren Alan Wilson døydde seinare på året. Det var òg det einaste studioalbumet frå den klassiske tida til Canned Heat med Mandel, sidan Henry Vestine hadde vore sologitarist på dei førre albuma. Albumet inneheld fem originale songar og tre coverlåtar. Ein Wilbert Harrison-song, «Let's Work Together», vart vald ut til singel for Europa, samstundes med at turneen starta. Bandet insisterte på at dei skulle vente med den amerikanske utgåva av singelen, slik at låtskrivaren sjølv skulle få ein sjanse på marknaden først. Canned Heat hadde ein stor hit med «Let's Work Together» og det var den einaste topp 10-hitten til bandet med vokal av Bob «The Bear» Hite. Dr. John spelte piano på «London Blues».

Meldingar
Karakter
Kjelde	Karakter
Allmusic	lenkje
Robert Christgau	A

Det vart nokre kontroversar då plateomslaget synte ei blanding av månelandinga og Iwo Jima med det amerikanske flagget opp-ned. Flagget var Wilson sin ide og var eit svar til uroa hans over at menneske kom til å forureine månen på same måten som jorda (noko som vert omtalt i songen «Poor Moon»).

Albumet kom ut på CD i 2002 av MAM Productions med fem bonusspor.

Innhald

Side ein

Nr.	Tittel	Låtskrivar(ar)	Lengd
1.	«Sugar Bee»	Eddie Shuler	2:39
2.	«Shake It and Break It»	Charlie Patton	2:35
3.	«That's All Right (Mama)»	Arthur Big Boy Crudup	4:19
4.	«My Time Ain't Long»	Alan Wilson	3:49
5.	«Skat»	Wilson	2:44
6.	«Let's Work Together»	Wilbert Harrison	2:53

Side to

Nr.	Tittel	Låtskrivar(ar)	Lengd
7.	«London Blues»	Wilson	5:31
8.	«So Sad (The World's in a Tangle)»	Canned Heat	7:57
9.	«Future Blues»	Canned Heat	2:58

Bonusspor på CD-utgåva frå 2002

Nr.	Tittel	Låtskrivar(ar)	Lengd
10.	«Let's Work Together» (singel monoversjon)	Harrison	2:46
11.	«Skat» (singel monoversjon)	Wilson	2:39
12.	«Wooly Bully»	Sam Samudio	2:30
13.	«Christmas Blues» (Canned Heat and The Chipmunks)	Cook, Taylor, Vestine, Wilson, Hite Jr.	2:31
14.	«The Chipmunk Song (Christmas Don't Be Late)» (Canned Heat and The Chipmunks)	Bagdasarian	2:45

Medverkande

Canned Heat

• Bob Hite – vokal
• Alan Wilson – slidegitar, vokal, munnspel
• Harvey Mandel – sologitar
• Larry Taylor – bass
• Adolfo de la Parra – trommer

Andre musikarar

• Dr. John – piano, blåsearrangement (spor 5 & 7)
• Ernest Lane – piano (spor 9)

Teknisk

• Skip Taylor – produsent
• Canned Heat – produsent
• Tommy Oliver – lydteknikar

Kjelder

• Denne artikkelen bygger på «Future Blues (Canned Heat album)» frå Wikipedia på engelsk, den 27. august 2018.
  • Wikipedia på engelsk oppgav desse kjeldene:
• Eder, Bruce. «Future Blues – Album Review». allmusic. Henta 26. august 2018.