Gong Lijiao
Gong Lijiao (fødd 24. januar 1989) er ein kinesisk friidrettsutøvar frå Luquan som vart verdsmeister i kulestøyt i 2017 og 2019, og olympisk meister i 2021.
| Gong Lijiao | |
|
| |
| Statsborgarskap | Folkerepublikken Kina |
| Fødd | 24. januar 1989 (35 år) Luquan |
| Idrett | friidrett |
| Tok del i |
Friidrett under Sommer-OL 2012 – Kulestøt damer, Asialekene 2014, Asialekene 2010, friidrett under Sommer-OL 2020 – kulestøt kvinner, Friidrett under Sommer-OL 2008 – Kulestøt damer, Friidrett under Sommer-OL 2016 – Kulestøt kvinner |
Aktiv endre
Allereie 18 år gammal tok Gong seg til finalen i eit stort internasjonalt meisterskap då ho ved verdsmeisterskapen i Osaka enda på sjuandeplassen. Året etter sette ho personleg rekord med 19,46 m i kulekvalifiseringa under Sommar-OL på kinesisk heimebane, der ho vart nummer fem i finalen. Også i VM 2009 i Berlin sette ho personleg rekord, finalestøytet på 19,89 meter heldt til tredjeplass. To månader seinare passerte Gong 20-metersstreken for fyrste gong, under kinameisterskapen i Jinan vann ho kuletevlinga med 20,35 m.
Etter Gong vart nummer fire i VM 2011 i Daegu, tok ho bronsemedaljen både under Sommar-OL 2012 i London og VM 2013 i Moskva. Gong støytte 20,30 m i fyrste finaleomgang då VM 2015 fann stad i Beijing, eit resultat som gav henne sølvmedaljen, ettersom tyske Christina Schwanitz i tredje omgangen presterte 20,37 m. I mai 2016 forbetra Gong sin personlege rekord til 20,43 m i eit stemne i tyske Halle, men lukkast ikkje ta medalje i Sommar-OL i Rio de Janeiro.
Under friidretts-VM 2017 i London steig Gong heilt til topps på sigerspallen etter kuletevlinga. Ho tok leiinga med 19,16 m og auka i andre omgang til 19,35 m, før ho i femte omgang tok fram gullstøytet som målte 19,94 m. År 2018 sigra Gong for andre gong i asialeikane, år 2019 vann ho asiameisterskapen for andre gong og ho forsvarte verdsmeister-tittelen i Doha. I dei olympiske sommarleikane i Tokyo 1. august 2021 støytte Wang kula 20,58 meter, personleg rekord og ein suveren fyrsteplass i kuleøvinga.
Medaljar og plasseringar i internasjonale meisterskap endre
- VM 2007 i Osaka: Nr 7 – 18,66 m
- OL 2008 i Beijing: Nr 5 – 19,20 m
- VM 2009 i Berlin: Bronsemedalje – 19,89 m
- VM 2011 i Daegu: Nr 4 – 19,97 m
- OL 2012 i London: Bronsemedalje – 20,22 m
- VM 2013 i Moskva: Bronsemedalje – 19,95 m
- VM 2015 i Beijing: Sølvmedalje – 20,30 m, bakom Christina Schwanitz (20,37 m)
- OL 2016 i Rio de Janeiro: Nr 4 – 19,39 m
- VM 2017 i London: Gullmedalje – 19,84 m, framom Anita Márton (19,49 m)
- VM 2019 i Doha: Gullmedalje – 19,55 m, framom Danniel Thomas-Dodd (19,47 m)
- OL i 2021 i Tokyo: Gullmedalje – 20,58 m, framom Raven Saunders (19,79 m)
- VM 2022 i Eugene: Sølvmedalje – 20,39 m, bakom Chase Ealey (20,49 m)
Kjelder endre
- Denne artikkelen bygger på «Gong Lijiao» frå Wikipedia på tysk, den 27. april 2021.
- Denne artikkelen bygger på «Gong Lijiao» frå Wikipedia på engelsk, den 12. august 2017.
- «Gong Lijiao» (på engelsk). Olympedia. Henta 7. mars 2023.