Graeme Souness
Graeme James Souness (fødd 6. mai 1953) er ein skotsk fotballtrenar- og tidlegare -spelar frå Edinburgh. Han er særleg kjend for perioden han spelte på Liverpool FC, der vann han fem seriemeisterskap og europacupen tre gongar.
.jpg) Souness i 2001 | |||
| Personleg informasjon | |||
|---|---|---|---|
| Fullt namn | Graeme James Souness | ||
| Fødd | 6. mai 1953 (71 år) | ||
| Fødestad | Edinburgh i Skottland | ||
| Posisjon | Midtbanespelar | ||
| Seniorkarriere* | |||
| År | Lag | Kampar | (Mål) |
| 1970-1972 | Tottenham | 0 | (0) |
| 1972 → | Montreal Olympique (lån) | 10 | (2) |
| 1972-1978 | Middlesbrough | 176 | (22) |
| 1978-1984 | Liverpool | 247 | (38) |
| 1984-1986 | Sampdoria | 56 | (8) |
| 1986-1991 | Rangers | 58 | (3) |
| Totalt | 539 | (73) | |
| Landslag | |||
| 1974-1986 | Skottland | 54 | (4) |
| Trenar for | |||
| 1986-1991 | Rangers | ||
| 1991-1994 | Liverpool | ||
| 1995-1996 | Galatasaray | ||
| 1996-1997 | Southampton | ||
| 1997 | Torino | ||
| 1997-1999 | Benfica | ||
| 2000-2004 | Blackburn | ||
| 2004-2005 | Newcastle | ||
| * Seniorklubbkampar og mål berre telt for nasjonal liga | |||
Klubbspel
endreSouness fekk kontrakt med Tottenham Hotspur, men spelte aldri ein kamp for London-klubben. Sommaren 1972 vart han overført til andredivisjons-klubben Middlesbrough FC. I Middlesbrough markerte han seg som ein iherdig midtbanespelar, taklingssterk med blikk for pasningar. På nyåret i 1978 gjekk han vidare til Liverpool FC, den fremste klubben i engelsk fotball i dei år. Her var han med om å vinne fem ligameisterskap og to gongar europacupen. Lagkaptein frå 1982-84.
Frå sommaren 1984 spelte Souness to sesongar for italienske Sampdoria, og til slutt ein sesong som spelande trenar i Rangers FC.
Landslagsspel
endreSouness fekk sin landslagsdebut i oktober 1974. Han deltok i VM-turneringa i 1978, 1982 og 1986. Under VM i fotball 1986 spelte han sin 54. og siste landskamp. Han skåra i alt fire mål for Skottlands landslag.
Trenar
endreSouness var lagsjef for Rangers FC i tida 1986-91, leia då klubben til fire strake ligameisterskap i Skottland. Han tok over som sjef for Liverpool FC i 1991, laget vann FA-cupen 1992 med han som sjef. Etter å ha fått fyken i Liverpool, trente han ulike lag både innanlands og utanlands.
Merittar
endre- Vinnar av Europacupen: 1978, 1981 og 1984 med Liverpool FC
- Engelsk ligameister: 1979, 1980, 1982, 1983 og 1984: med Liverpool FC
- Engelsk ligacupmeister: 1981, 1982, 1983 og 1984 med Liverpool FC
- Italiensk cupmeister: 1986 med Sampdoria
- Skotsk ligameister: 1987 med Rangers FC
- Skotsk cupmeister: 1987 med Rangers FC