Gunnar Gjengset
Gunnar Hauk Gjengset (fødd 10. mai 1946) er ein norsk filolog og forfattar.[1]
| Gunnar Gjengset | |||
| Fødd | 10. mai 1946 | ||
|---|---|---|---|
| Nasjonalitet | Noreg | ||
| Yrke | biograf, skodespelforfattar, vitskapsperson, forleggjar | ||
| Alma mater | Umeå universitet | ||
Gjengset vart i januar 1970 arrestert i Sovjetunionen for å demonstrera mot Bresjnev-regimet.[2] Gjengset hadde reist til Leningrad for å dela ut løpesetlar for å frigi forfattaren Yoli Galanskov og krigshelten Pjotr Grigorenko, begge kjende dissidentar. I rettssaka som følgde vart Gjengset dømd til eitt år i straffeleir, men vart lauslaten etter internasjonalt press etter vel ein månads internering i kriminalasyl. Han skreiv seinare boka Under jernteppet om dette.
Gjengset har doktorgrad i litteraturvitskap frå Umeå universitet om den samiske forfattaren Matti Aikio (Matti Aikio - verk og virke, Umeå 2011).[3] Gjengset har skrive fleire bøker, mellom anna ein biografi om Gustav Vigeland. Han er òg aforistikar, og har ei dagleg spalte Dagens sukk i Klassekampen, under pseudonymet Hauk.[4] Spalta gjekk i Adresseavisen i meir enn 20 år.
I boka Avoid the Void (2013), utgitt på det New York-baserte vanityforlaget Morgan James Publishers, drøftar han alkoholisme.[5]
Saman med Harald Gaski har han skrive Johan Turi, eit skodespel om forfattaren Johan Turi. Dette stykket hadde urpremiere på Det Norske Teatret i Oslo 6. september 2017, produsert og framført av Beaivvás samisk nasjonalteater.[6] Stykket vart òg framført under bokmessa i Frankfurt i 2019.[7] I 2020 gav Gjengset ut ei ny aforismesamling, Nye sukk med illustrasjonar av Håkon Bleken, på sitt eige Hauk Forlag.
Kjelder
endre- ↑ Presentasjon av Gunnar Gjengset i Forfatterkatalogen på nettstaden til Forfattersentrums, arkivert frå originalen 4. mars 2016, henta 19. februar 2023
- ↑ Christensen, Dag (29. januar 1970). «Sovjetisk UD taust — studentens skjebne uviss: Gjengset sultestreiker på syvende døgnet». VG: 5.
- ↑ Oppslag i DiVA ved Umeå universitet.
- ↑ Oppslag i BIBSYS Ask, Oppslag i BIBSYS Ask
- ↑ Bokomtale: Avoid the void Arkivert 2016-03-06 ved Wayback Machine.; rus.no, 13.9.2013
- ↑ Johan Turi Arkivert 2020-09-26 ved Wayback Machine.; manusbank.no
- ↑ Johan Turi drar til Frankfurt; beaivvas.no
- Denne artikkelen bygger på «Gunnar Gjengset» frå Wikipedia på bokmål, den 19. februar 2023.
Bakgrunnsstoff
endre- Publikasjonar av Gunnar Gjengset i BIBSYS