Guppy
Guppy (Poecilia reticulata) er ein liten tannkarpeart som lever i Trinidad og delar av Sør-Amerika. Han er hovudsakleg kjend som akvariefisk, og er både rekna som populær og særs enkel å halda.
| Guppy | |
 Guppy | |
| Utbreiing og status | |
Status i verda:  Livskraftig Utbreiinga av guppy | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Overklasse: | Strålefinnefiskar Actinopterygii |
| Orden: | Cyprinodontiformes |
| Familie: | Poeciliidae |
| Slekt: | Poecilia |
| Art: | Guppy P. reticulata |
| Vitskapleg namn | |
| Poecilia reticulata | |
Kjenneteikn
endreGuppyen er ei lita tannkarpe, som ikkje vert stort større enn 6 cm. Hoa har størst kropp, men hannen har større og meir prangande hale. Dette gjer at dei ser om lag like store ut. Dei finst i fleire fargevariantar, og det er som regel hannen som er sterkast farga.
Levesett
endreGuppyen finst i mange habitat. Han trivst best i stilleståande vatn med ganske varme temperaturar (23-24 °C) og mykje vegetasjon, og toler etter tilvenning eit saltinnhald på opp til 1,025. Dei lever av dyreplankton, små insekt og detritus. Akvarievariantar er særs lett å få til å ta tørrfor.
Guppyane er særs fruktbare, og før levande ungar. Etter ei drektigheitsperiode på 4-6 veker set hoa 20-40 små yngel til verda. Dei har ingen yngelpleie; faktisk hender det tilmed at dei vaksne et sitt eige avkom. Dei vert kjønnsmogne allereie etter to-tre månadar.
Sidan guppyen er så lett å halda i akvarium, er han ein del brukt både som forsøksdyr (m.a. i genforsking) og oppdrettsfisk til levandefor.
Bakgrunnsstoff
endre- FishBase
- (en) guppy – oversikt og omtale av artane i WORMS-databasen
- (en) guppy i Encyclopedia of Life
- (en) guppy i Global Biodiversity Information Facility
- (en) guppy hos Fauna Europaea
- (en) guppy hos FishBase
- (en) guppy hos ITIS
- (en) guppy hos NCBI
- (en) Kategori:Poecilia reticulata – bilete, video eller lyd på Wikimedia Commons
- (en) Poecilia reticulata – galleri av bilete, video eller lyd på Wikimedia Commons
- Poecilia reticulata – detaljert informasjon på Wikispecies
