Halten fyrstasjon

Halten fyrstasjon
	;
Fylke	Trøndelag
Kommune	Frøya
Funksjon	Kystfyr
Oppretta	1875
Koordinatar	64°10.3687′N 9°24.3563′E / 64.1728117°N 9.4059383°E
Fyrtårn
Høgd	29,5
Form	Kvitt tårn med to svart belte
Fyrlys
Lyskarakter	Rundtlysande med blink kvart 4. sekund
Lysstyrke	1 080 000 cd
Lyshøgd	39,0 moh.
Lysvidde	17,5 nm
Status
Eigar	Staten
Vernestatus	Freda etter lov om kulturminne
; Halten fyrstasjon; 64°10′22″N 9°24′19″E / 64.17277778°N 9.40527778°E

Halten fyrstasjon er eit fyr som ligg på Store Reinsøy i det avfolka fiskeværet Halten i Frøya kommune i Trøndelag fylke.

Plasseringa til Halten fyrstasjon

Fyrstasjonen vart oppretta på Halten i 1875 og er ein del av fyrkjeda i øyrekka utanfor Frøya, med Sula fyr i sør, så Vingleia fyr, Finnvær fyr og Halten fyr lengst nord.

Stasjonen består av eit 29,5 meter høgt steintårn som vart flytt frå Lista fyrstasjon, der det opphavleg var eitt av tre fyrtårn der bygd i 1853. Det var opphavleg planlagt at Halten fyr skulle vere eit tvillingfyr, men dette vart det ikkje noko av sidan den fyrtekniske utviklinga gjorde dette unødvendig.

Lykta har ein lysstyrke på 1 080 000 candela og ei lysvidde på 17,5 nautiske mil.

Mykje av originalt interiør og eksteriør er bevart på fyret.

Fyret er freda etter lov om kulturminne.

Klima

Meteorologisk institutt har hatt ein vêrstasjon på Halten fyr sidan september 1983. Stasjonen ligg 16 meter over havet og har synopnummer 01240.

	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Temperatur (°C)	1,7	1,6	2,5	4,2	7,5	10,2	12,0	12,7	10,4	7,8	4,3	2,6	6,5
Nedbør (mm)	79	65	60	52	39	45	58	71	97	102	87	90	845

Sjå òg

Fyr i Noreg

Kjelder

«Norsk fyrliste 2008 - side 417» (PDF - 15 mb). Kystverket.
«Halten fyrstasjon». Norsk Fyrhistorisk Forening.
Halten fyrstasjon i kulturminnesok.no, nettstaden til Riksantikvaren
eklima