Hanna

Hanna og Hannah er kvinnenamn av hebraisk opphav, kjende frå jødisk, kristen og muslimsk namnetradisjon. Dei kan også brukast som etternamn. Andre stavemåtar er Channah, Chana, Hana og Hanne.

Namnet stammer frå det hebraiske ordet channah (חַנָּה) som kan tyda 'benåda' eller 'yndig'. Det kan også vera ei kortform av Johanna, lik Hanne. Hanna opptrer i Bibelen som mor til profeten Samuel og i Koranen som mor til Maryam (Jomfru Maria).

Hanna har namnedag den 5. januar.

Kjende namneberarar

Førenamn

• Hanna i Bibelen, mor til Profeten Samuel.
• Hanna Winsnes (1789–1872), norsk forfattar
• Hanna Resvoll-Holmsen (1873-1943), norsk økolog
• Hannah Ryggen (1894-1970), svensk-norsk tekstilkunstnar
• Hannah Arendt (1906–1975), tysk-jødisk filosof
• Hanna Kvanmo (1926–2005), norsk politikar
• Hanna Schygulla (f. 1948), tysk skodespelar
• Hanna Ljungberg (f. 1979), svensk fotballspelar
• Hannah Spearritt (f. 1981), britisk songar, kjend frå S-Club
• Hannah Stockbauer (f. 1982), tysk verdsmeister i symjing
• Hannah Kearney (f. 1986), USA-amerikansk kulekøyrar
• Hannah Teter (f. 1987), USA-amerikansk snøbrettkøyrar

Etternamn

• William Hanna (1910-2001), USA-amerikansk animatør
• Daryl Hannah (f. 1960), USA-amerikansk skodespelar

Annan bruk

• Hannah Montana er ein USA-amerikansk fjernsynsserie, som også har vorte spelefilm.