Hans Seip
Hans Kristian Seip (fødd 6. november 1881 i Røyken, død 25. mars 1945 i Lærdal) var ein norsk politikar som representerte Venstre og Avholdspartiet. Han var opphavleg frå Røyken, men flytta til Bergen i 1915.
| Hans Seip | |||
 | |||
| Fødd | 6. november 1881 Røyken | ||
|---|---|---|---|
| Død | 25. mars 1945 (63 år) | ||
| Statsborgar av | Noreg | ||
| Parti | Venstre | ||
| Yrke | politikar, ingeniør | ||
| Barn | Jens Arup Seip | ||
| Verv | Fylkesmann i Sogn og Fjordane 1930-1941 | ||
| Føregangar | Ingolf E. Christensen | ||
| Etterfylgjar | Vidar Atne | ||
| Alle verv |
| ||
Hans Kristian Seip tok eksamen ved Kristiania tekniske skule i 1900 og studerte i Sveits 1902-1903. Han jobba for Statens vegstell frå 1900 til 1915, vart tilsett som avdelingsingeniør i Bergen i 1915 og tok til i stillinga som vegsjef i Bergen i 1921.
Seip var ordførar i Bergen for Avholdspartiet mellom 1923 og 1924, og mellom 1925 og 1930 var han vararepresentant til Stortinget for Venstre. I 1929 vart han tilsett som fylkesmann i Sogn og Fjordane, ei stilling han hadde til han vart avsett av den tyske okkupasjonsmakta i 1941. Seip var òg stortingsrepresentant frå 1934 til han døydde i 1945.
Det står ein minnestein på grava til Hans Seip i Fjærland. Denne vart reist og avduka søndag, 19. juni 1949.
Kjelder
endre- Sogn og Fjordane fylkeskommune/Fylkesarkivet: Minnestein over fylkesmann Hans Seip Arkivert 2012-03-17 ved Wayback Machine.
- NRK Sogn og Fjordane Fylkesleksikon, Hans Seip
- Denne artikkelen bygger på «Hans Seip» frå Wikipedia på bokmål, den 10. juli 2013.