Harald Schumacher
Harald Anton Schumacher (fødd 6. mars 1954), like kjend som Toni Schumacher, er ei tysk tidlegare fotballmålvakt frå Düren i Nordrhein-Westfalen. Han vann EM-gull 1980 og to VM-sølv med Vest-Tyskland i åra 1982 og 1986. Med FC Köln sikra han seg tre nasjonale cuptitlar og i 1978 seriegullet i Bundesliga. Schumacher er særleg kjend og berykta for ei utrusing han gjorde i VM-semifinalen 1982 mot Frankrike. I det den franske spelaren Patrick Battiston skulle ta seg forbi Schumacher, vart han meia ned av Schumacher og måtte deretter berast av bana med ein alvorleg skade.
 Harald Schumacher i 2013 | |||
| Personleg informasjon | |||
|---|---|---|---|
| Fullt namn | Harald Anton Schumacher | ||
| Fødselsdato | 6. mars 1954 (70 år) | ||
| Fødestad | Düren i Vest-Tyskland | ||
| Høgd | 186 cm | ||
| Posisjon | Målvakt | ||
| Seniorkarriere* | |||
| År | Lag | Kampar | (Mål) |
| 1972-1987 | Köln | 422 | (0) |
| 1987-1988 | Schalke 04 | 33 | (0) |
| 1988-1991 | Fenerbahçe | 65 | (0) |
| 1991-1992 | Bayern München | 8 | (0) |
| 1995-1996 | Borussia Dortmund | 1 | (0) |
| Totalt | 529 | (0) | |
| Landslag | |||
| 1979-1986 | Vest-Tyskland | 76 | (0) |
| * Seniorklubbkampar og mål berre telt for nasjonal liga | |||
Klubbspel
endreSchumacher var Köln-spelar frå 1972 til 1987. Han opplevde sin fyrste triumf då laget vann den tyske fotballcupe. Året etter var han med å vinne både Bundesliga og den tyske cupfinalen. Fem år seinare fekk han den tredje cuppokalen med Köln. Våren 1986 vakta han målet då Köln var sjanselause mot Real Madrid i finalespelet i UEFA-cupen. Etter ein sesong i Schalke 04 flytta han sommaren 1988 over til tyrkiske Fenerbahçe i Istanbul. I 1991 vende han tilbake til Tyskland, og var i 1991/92-sesongen reservemålvakt i Bayern München.
Landslagsspel
endreSchumacher fekk sin landslagsdebut i Reykjavik mot Island i mai 1979. Frå april 1980 til hausten 1986 var han det soleklåre fyrstevalet i Vest-Tyskland sitt mål. Han stod i mål for Vest-Tyskland både i EM-finalen 1980 som enda med siger 2-1 over Belgia og i VM-finalen 1982, der Italia vann 3-1. Også i fotball-EM 1984 vakta han målet for eit vesttysk mannskap som ikkje lukkast kvalifisere seg til semifinaleplass. Schmacher var ein sentral aktør då Vest-Tyskland tok seg til endå ein VM-finale i Mexico i 1986, der Argentina med mellom andre Diego Maradona på laget sende vesttyskarane heim med sølvmedaljar etter tap 1-3. Schumacher spelte 76 landskampar.
Kjelder
endre- Denne artikkelen bygger på «Harald Schumacher» frå Wikipedia på tysk, den 7. juni 2016.