Heksekost

Heksekost, huldrelime, marakvist eller trollkost er fellesnamn for utvekstar på buskar eller tre som av grunn av ulike grunnar har unormalt tett vekst av knoppar eller kvistar. Utvekstane kan minna om reir eller sopelimar. Den noko unaturlege utsjånaden kan ha gjeve namna som knyter vekstane til trolldom.

Ein finn ofte heksekostar på bjørk, som kan ha fleire duskar over store delar av krona.

Årsaker

Heksekostar kan skapast ved ein ubalanse i plantehormon, der cytokinin, som påverkar til meir celledeling, hindrar auxin i å regulera veksten. Ein har funne heksekostar forårsaka av bakteriar, fytoplasma, insekt, midd, parasittplantar som misteltein, rundorm, sopp og virus.

Feil utført poding kan gjera tre meir mottakelege for framandelement som kan føra til heksekost. Inngrep som styving kan også gje liknande resultat i friske tre.

Plantetype	Årsak til heksekost
Bjørk	Soppen Taphrina betulina^[1]
Eple	Fytoplasmaen Apple proliferation phytoplasma^[2]
Sølvgran	Rustsoppen Melamsporella caryophyllacearum^[1]
	Corynebacterium fascians^[3]

Kjelder

Delar av denne artikkelen bygger på «Heksekost» frå Wikipedia på bokmål, og «Witch's broom» frå Wikipedia på engelsk den 26. januar 2009.

Fotnotar

↑ ^1,0 ^1,1 Botanisk og plantefysiologisk leksikon ved uio.no
↑ Heksekost på eple Arkivert 2007-10-13 ved Wayback Machine. ved Landbrukstilsynet
↑ Plantevekststimulerende forbindelser utviklet ved Kjemisk Institutt ved uio.no

[uio-1] 1,0 ^1,1 Botanisk og plantefysiologisk leksikon ved uio.no

[2] Heksekost på eple Arkivert 2007-10-13 ved Wayback Machine. ved Landbrukstilsynet

[3] Plantevekststimulerende forbindelser utviklet ved Kjemisk Institutt ved uio.no

[1]

[2]

[3]