Hello Mary Lou
| Hello Mary Lou av Ricky Nelson | ||
| A-side | ||
|---|---|---|
| Språk | engelsk | |
| Utgjeve | 1961 | |
| Sjanger | rockabilly | |
| Lengd | 2:17 | |
| Selskap | Imperial | |
| Låtskrivar(ar) | Gene Pitney, Cayet Mangiaracina | |
«Hello Mary Lou» er ein song skriven av den amerikanske songaren Gene Pitney og Father Cayet Mangiaracina,[1][2] først framført av Johnny Duncan i 1960,[3] og sidan av Ricky Nelson i 1961.[4]
Versjonen til Nelson, gjeve ut som B-sida til hitten hans «Travelin' Man», (Imperial 5741), nådde niandeplassen på Billboard-lista den 28. mai 1961. I Storbritannia vart han gjeve ut som ei A-side (med Dorsey Burnette sin «It's Late» som B-side) og nådde andreplassen. Han var òg ein hit over det meste av Europa, særleg i Noreg, der han låg 14 veker på førsteplassen.
Songen har ein gitarsolo av James Burton, som ofte er omtalt av seinare gitaristar som Brian May som ei stor inspirasjonskjelde. Piano vart spelt av Ray Johnson, som tok over for Gene Garf som fast pianist for Nelson i november 1959.[5]
Songen vart gjeven ut på det sjette albumet til Nelson, Rick Is 21.
Andre versjonar
endre- The Seekers på konsertalbumet deira The Seekers Live at the Talk of the Town i 1968.
- Led Zeppelin, som ein del av ein «Whole Lotta Love»-medley på How the West Was Won (spelt inn i 1972, gjeve ut i 2003)
- Creedence Clearwater Revival sitt siste album Mardi Gras (1972)
- Fumble på debutalbumet Fumble
- New Riders of the Purple Sage i 1972 på albumet Powerglide
- The Statler Brothers påPardners in Rhyme (1985)
- Queen spelte songen i 1986 på Magic Tour og finst på konsertalbumet Live at Wembley (1986)
- Bobby Lewis spelte inn songen i 1970 og nådde Topp 15 på Country-lista i USA.
Han vart òg spelt inn på fransk av Petula Clark (som «Bye Bye Mon Amour») på albumet A Century of Song i 1961.
Kjelder
endre- Denne artikkelen bygger på «Hello Mary Lou» frå Wikipedia på engelsk, den 17. august 2013.
- Wikipedia på engelsk oppgav desse kjeldene:
- ↑ Lee Jensen (19 Oct 2011). «Rock and Roll Heaven: How a Priest Helped Write "Hello, Mary Lou"». Yahoo Inc. Arkivert frå originalen 12. april 2013. Henta 17. august 2013.
- ↑ Don Ellzey (2013). «Ponchatoula priest shares special part in Rock 'n Roll history». actionnews17.com/. Henta 17. august 2013.[daud lenkje]
- ↑ Second Hand Songs
- ↑ «Hello Mary Lou Goodbye Heart (Legal Title)». Repertoire.bmi.com. Arkivert frå originalen 18. juli 2012. Henta 17. august 2013.
- ↑ «Ray Johnson». rockabilly.nl. Henta 17. august 2013.
| Føregangar «Greenfields» Brothers Four |
Toppen av VG-lista Ricky Nelson 14 veker, veke 28–41, 1961 |
Etterfylgjar «Michael» The Highwaymen |