Henriette

Henriette er eit kvinnenamn danna som ei fransk kjæleform av mannsnamnet Henri og diminutivsendinga -ette. Henrietta er ei latinisert form av namnet. Henriette har norsk namnedag den 18. september.

Dronning Henrietta Maria, franskfødd dronning av Frankrike.

Henrikke og Harriet er nærskylde namn. Henny er eit mogleg kortnamn.

Bruk

Henriette var mykje brukt i Noreg på 1990-talet, då over 0,6 % av nyfødde jenter kunne få namnet. I 2009 var det 4678 norske kvinner som heitte Henriette og 17 som heitte Henrietta.

Namneberarar

• Henriette von Mömpelgard (d. 1444), grevinne av Württemberg
• Dronning Henrietta Maria (1609–69), gift med Charles I av England, dotter av Henri IV av Frankrike
• Henrietta Churchill, 2. hertuginne av Marlborough (1681-1733)
• Henriette Sontag (1806–1854), tysk operasongar
• Henriette Caillaux (1874–1943), fransk førstekvinne og mordar
• Henriette Steenstrup (f. 1974), norsk skodespelar
• Henriette Lien (f. 1969), norsk skodespelar og programleiar

I stadnamn

• Henriettaøya ligg i øygruppa De Long-øyane i Aust-Sibir-havet.

Kjelder

• «Henriette» ved behindthename.com

• Søk etter norsk namnestatistikk for Henriette hjå Statistisk Sentralbyrå
• Hanks, Patrick; Hardcastle, Kate; Hodges, Flavia (2006), «Henriette», A Dictionary of First Names, Oxford University Press