Henrik Dagård

Henrik Dagård (fødd 7. august 1969) er ein svensk tidlegare friidrettsutøvar frå Halmstad som vann sølvmedaljen i tikampen under europameisterskapen 1994 i Helsinki.

Henrik Dagård
Statsborgarskap	Sverige
Fødd	7. august 1969 (55 år) Halmstad
Idrett	friidrett
Tok del i	Sommar-OL 2000

Aktiv

Dagård vart svensk meister 1989 i tikamp, ein prestasjon han gjentok i 1998. Toppen som utøvar nådde han i året 1994. I mars månad kom han på andreplassen i sjukampen ved innandørs-EM i Paris. Der etter fekk han same plassering ved meistermøtet i Götzis i Austerrike, før han tok sølvmedaljen i tikampen under europameisterskapen i Helsinki. Til sist i 1994-sesongen gjorde han ved Décastar-stemnet i franske Talence sitt livs beste tikampserie, han sanka der 8 403 poeng, svensk rekord til dess Nicklas Wiberg oppnådde 8 406 poeng under verdsmeisterskapen i Berlin i 2009.

Våren 1995 vann Dagård bronse i sjukamp under innandørs-VM i Barcelona. Sidan makta han ikkje å halde same høge nivået som før. Han avslutta med å verte nummer sju i Sevilla-VM 1999 og nummer ti Sydney-OL 2000.

Medaljar og plasseringar i internasjonale meisterskap

• EM 1990 i Split: Nr 9 – 8 052 poeng
• VM 1991 i Tokyo: Braut
• VM 1993 i Stuttgart: Nr 12 – 7 838 poeng
• EM 1994 i Helsinki: Sølvmedalje – 8 362 poeng, bakom Alain Blondel (8 453)
• VM 1995 i Göteborg: Nr 16 – 7 899 poeng
• EM 1998 i Budapest: Nr 15 – 7 930 poeng
• VM 1999 i Sevilla: Nr 7 – 8 150 poeng
• OL 2000 i Sydney: Nr 10 – 8 176 poeng

Kjelder

• Denne artikkelen bygger på «Henrik Dagård» frå Wikipedia på tysk, den 30. juni 2019.

• Denne artikkelen bygger på «Henrik Dagård» frå Wikipedia på engelsk, den 30. juni 2019.

Bakgrunnsstoff

• «Henrik Dagård» (på engelsk). Olympedia. Henta 4. mars 2023.