Hermann Tittel
Hermann Karl Richard Eugen Tittel (12. november 1888–22. august 1959) var generalmajor i artilleriet og sjef for den tyske 69. divisjon ved invasjonen i Noreg 9. april 1940. Han starta den militære karrieren sin i 1908, og tenestegjorde under heile første verdskrig, på Vestfronten 1914-1915 og 1917-1918 (ved Verdun), i Makedonia 1915-1916 og på Austfronten 1916-1917.
| Hermann Tittel | |
.jpg) | |
| Statsborgarskap | Tyskland |
| Fødd | 12. november 1888 Neuhaus am Rennweg |
| Død |
22. august 1959 (70 år) |
| Yrke | militær |
| Språk | tysk |
| Hermann Tittel på Commons | |
.jpg)
Som oberst vart han 26. august 1939 utnemnd til kommandant for 69. divisjon, like før starten av andre verdskrig. Han vart generalmajor 1. oktober 1939. Under Operation Weserübung, det tyske kodenamnet på invasjonen av Noreg i 1940, leia han 69. divisjon vest i Noreg. Han etablerte hovudkvarter i Bergen.
Hermann Tittel vart generalløytnant 1. september 1941, og 29. september 1941 fekk han kommandoen over 169. infanteridivisjon, som då stod i Finland for å angripe russarane og å skjere av jernbanekommunikasjonen til Murmansk. Han stod som sjef for denne divisjonen til 22. juni 1943, då han vart sett til å leie det 70. armekorps i Sør-Noreg. Han vart utnemnd til kommanderande general 1. september 1943, og sat med kommandoen over dette armekorpset til 9. mai 1945.
Hermann Tittel vart arrestert i Oslo og sat internert i engelske leirar til 12. mai 1948.
Litteratur
endreBakgrunnsstoff
endre- www.bridgend-powcamp.fsnet.co.uk Arkivert 2012-02-26 ved Wayback Machine. - Informasjon og bilda av Tittel som soldat (engelsk)