Hosanger

	Hosanger
	stad
Land	Noreg
Fylke	Vestland
Kommune	Osterøy
Postnummer	5282 LONEVÅG
Ferdselsårer	567
	; Hosanger kommune; 60°34′31″N 5°28′41″E / 60.575277777778°N 5.4780555555556°E
	Wikimedia Commons: Hosanger, Osterøy

Hosanger er ei bygd på Osterøya og var tidlegare ein sjølvstendig kommune i Hordaland fylke.

Kossdalsvatnet på Osterøy. **Markakunstløypa** med brurevogn etter segna om brudefølgjet som gjekk gjennom isen på veg til Hosanger kyrkje

Kossdalsvingane på Osterøy med 5-6 av de 17 slyngene på vegen
Foto: Svein Harkestad

Historie

Hosanger prestegjeld blei oppretta som formannskapsdistrikt den 1. januar 1838.

1. januar 1867 blei ein del av Voss med 28 innbyggjarar ved kongeleg resolusjon overført til Hosanger. 1. januar 1885 blei annekssoknet Seim, som låg som ein eksklave i vest, overført til den nye kommunen Alversund. 1. januar 1964 blei den delen av Hosanger som ligg på Osterøy, og som hadde 1616 innbyggjarar, slått saman med delar av Bruvik, Hamre og Haus kommunar til den nye Osterøy kommune. Den delen av Hosanger som låg nord for Osterfjorden hadde 791 innbyggjarar, og dette området blei samstundes slått saman med Alversund kommune og delar av Hamre, Lindås, Modalen og Sæbø kommunar til den nye Lindås kommune.

Folketalsutvikling

Folketalsutvikling for tidlegare Hosanger kommune frå 1920 til 1964:

1.12.1920^[1]	1.12.1930^[2]	3.12.1946^[2]	1.1.1951^[3]	1.1.1961^[3]	1.1.1964^[3]
2612	2470	2722	2688	2438	2407

Kultur

Hosanger Treskofabrikk er eit lite tresko-museum.
Galleri Mjøsvågen er eit lite kunstgalleri
Kossdalsvegen er ein veg av kulturhistorisk verdi, restaurert i 1990. Inst i Kossdalen ligg dei 17 Kossdalssvingane som er Noregs brattaste veg med gjennomsnittleg 27% stigning.
Markakunstløypa (LandArt-løypa) frå Hosanger sentrum og til inst i Kossdalen er ei årleg kunstutstilling ute i Osterøy-natur.
Hosanger kyrkje er ei langkyrkje frå 1796.
Hosanger er ein av tre skulekrinsar som tok i bruk norsk til opplæringsmål før stortingsvedtaket i 1892 gav dei formell rett til det^[4].

Stadnamnet Hosanger er truleg danna av orda hose, det vil seie «lang strømpe», og angr, «fjord», og viser til forma på fjorden.

Kjelder

↑ Statistisk årbok for kongeriket Norge 40de årgang, 1920 (Det statistiske centralbyrå, 1921)
↑ ^2,0 ^2,1 Statistisk årbok for Norge 69. årgang, 1950 (Statistisk sentralbyrå, 1950)
↑ ^3,0 ^3,1 ^3,2 Folkemengd i Hosanger 1. januar kvart år frå 1951, frå Statistisk sentralbyrå
↑ Jostein Krokvik

Bakgrunnsstoff

Hosanger Treskomuseum
Vener av Mjøsvågen
Kystsogevekene Arkivert 2007-09-28 ved Wayback Machine.
Biologisk mangfold Arkivert 2007-09-30 ved Wayback Machine.

[ssb1920-1] Statistisk årbok for kongeriket Norge 40de årgang, 1920 (Det statistiske centralbyrå, 1921)

[ssb1950-2] 2,0 ^2,1 Statistisk årbok for Norge 69. årgang, 1950 (Statistisk sentralbyrå, 1950)

[ssb-3] 3,0 ^3,1 ^3,2 Folkemengd i Hosanger 1. januar kvart år frå 1951, frå Statistisk sentralbyrå

[4] Jostein Krokvik

[1]

[2]

[3]

[4]