I Forgot More Than You'll Ever Know
| I Forgot More Than You'll Ever Know Singel av The Davis Sisters frå albumet Memories | ||
| B-side |
Rockabye Boogie | |
|---|---|---|
| Språk | engelsk | |
| Utgjeve | 1953 | |
| Innspelt | 23. mai 1953 | |
| Sjanger | country | |
| Lengd | 2:16 | |
| Selskap | RCA | |
| Komponist | Cecil Null | |
| Tekstforfattar | Cecil Null | |
| Låtskrivar(ar) | Cecil Null | |
| Produsent | Stephen Sholes | |
«I Forgot More Than You'll Ever Know» (stundom «I've Forgotten More Than You'll Ever Know About Him») er ein song skriven av Cecil Null[1] og først gjeven ut av The Davies Sisters.
Songen var ein av fem songar spelte inn 23. mai 1953 av Chet Atkins på sologitar, Velma E. Williams Smith på gitar, Jerry Byrd på steelgitar, Ernie Newton på bass og Hal Smith på fele. Innspelinga var den første The Davis Sisters hadde i Nashville i Tennessee, spelt inn hos Thomas Productions. Den første innspelinga av songen vart derimot gjort av Sonny James den 11. mars 1953. Denne kom ut på singel samstundes med The Davies Sisters sin versjon, men vart ikkje like populær.
Songen fortel ei soge om eks-kjærasten til ein ung mann og åtvarar den noverande flammen hans som stal han frå ho om at ein dag vil ho òg miste han. Heile songen er sungen i harmoni av Skeeter og Betty Jack, med unntak av linjene «You stole his love from me one day, you didn't care how you hurt me, but you can never steal away memories of what used to be» som er sungen av Betty Jack.
Salslister
endreSongen gjekk til topps på country-lista i 1953. Det var den første hitten for duoen Skeeter Davis og Betty Jack Davis og den einaste dei fekk, sidan Betty Jack omkom i ei bilulukke ei veke etter singelen kom ut.
«I Forgot More Than You'll Ever Know» vart den einaste countrysongen på toppen av lista av ein kvinneleg duo før The Judds klarte det same tretti år seinare. Songen låg på toppen av countrylista i åtte veker.[2]
Coverversjonar
endreMange artistar har spelt inn versjonar av songen, som:
- Skeeter Davis spelte inn songen på ny som eit albumspor på det første soloalbumet hennar, I'll Sing You a Song and Harmonize Too i 1959, og fortsette å syngje songen gjennom heile karrieren sin. Elvis Presley fortalte ein gong Davis at det var favorittcountry-songen hans og Roy Acuff bad ofte om at ho skulle syngje songen på Grand Ole Opry.
- Bob Dylan (på Self Portrait)
- I 1960 fekk Sonny James ein mindre pophit med sin versjon, som nådde 80. plassen på Hot 100.[3]
- Jeanne Pruett fekk ein moderat countryhit med sin versjon i 1972.
- Johnny Cash
- Jerry Lee Lewis
- Patti Page
- Kitty Wells
- Jimmie Rodgers
- Roy Drusky, Del Reeves
- The Statler Brothers
- Slim Whitman
- Jann Browne med Wanda Jackson
- Patty Loveless og trioen Dolly Parton, Loretta Lynn og Tammy Wynette.
- Dylan og Tom Petty framførte songen som ein duett i 1986 på True Confessions-turneen deira.
- Elvis Costello spelte songen som ein duett med Tom Waits på ein konsert.
- Den svenske rockeartisten Svante Karlsson spelte songen på debutalbumet American Songs i 1999.
- I 2006 spelte The Perrys inn songen som ein southern gospel-song.
- Esther Phillips spelte inn songen på albumet hennar The Country Side of Esther Phillips i 1966.
Kjelder
endre- Denne artikkelen bygger på «I Forgot More Than You'll Ever Know» frå Wikipedia på engelsk, den 25. juli 2021.
- Wikipedia på engelsk oppgav desse kjeldene:
- ↑ «I Forgot More Than You'll Ever Know Lyrics». Lyrics.com. Henta 25. juli 2021.
- ↑ Whitburn, Joel (2004). The Billboard Book Of Top 40 Country Hits: 1944-2006, Second edition. Record Research. s. 101.
- ↑ Whitburn, Joel (2013). Joel Whitburn’s Top Pop Singles, 14th Edition: 1955-2012. Record Research. s. 423.