Inga Marte Thorkildsen
Inga Marte Thorkildsen (fødd 2. juli 1976 i Oslo) er ein norsk politikar frå Sosialistisk Venstreparti. Ho har vore representant på Stortinget frå Vestfold fylke sidan 2001 og gjekk etter stortingsvalet 2009 inn i sin tredje periode som Vestfold-representant. I perioden 2005-09 sat ho i energi- og miljøkomiteen, og var saksordførar for det såkalla Klimaforliket i Stortingets energi- og miljøkomité. Her leidde Thorkildsen forhandlingane på vegne av regjeringspartia.
| Inga Marte Thorkildsen | |||
_2013_(1)_(cropped).jpg) | |||
| Fødd | 2. juli 1976 (47 år) Oslo | ||
|---|---|---|---|
| Statsborgar av | Noreg | ||
| Parti | Sosialistisk Venstreparti | ||
| Yrke | politikar, podkastvert | ||
| Far | Heming Olaussen | ||
| Alle verv |
| ||
Inga Marte Thorkildsen voks opp i Stokke, sørvest for Tønsberg, og er cand.mag. med mellomfag religionshistorie og statsvitskap, semesteremne Midtausten- og Nord-Afrikakunnskap 1996-2000. Ho har arbeidd som frilansjournalist for Tønsbergs Blad 1993-1997, for Kelly Vikarbyrå 1997-1998 og som kundebehandlar ved Fjellinjen A/S 1998-2000. Thorkildsen var ein av to leiarkandidatar til Sosialistisk Ungdom før landsmøtet i 1999, men tapte kampvoteringa mot sentralstyremedlem Kari-Anne Moe. Frå 2012 vart ho nestleiar i SV med Audun Lysbakken som ny partileiar.[1]
Far til Thorkildsen er Heming Olaussen, kjent som leiar for Nei til EU.[2]
Stortingskomitear endre
- 2009–2013 medlem i Finanskomiteen
- 2005–2009 medlem i Helse- og omsorgskomiteen
- 2001–2005 medlem i Justiskomiteen
- 2001–2005 varamedlem i Valkomiteen
Utgjevingar endre
- Thorkildsen, Inga Marte: EUs likestillingspolitikk: Med mannen som norm, Mennenes Europa - Døren lukket for kvinner, Nei til EU Oslo 2001 (skriftseriehefte).
- Gustavsen, Finn og Thorkildsen, Inga Marte: Fett, fuck og forsider, Markedets vidunderlige verden, John Grieg 1998.
- Thorkildsen, Inga Marte: MAKT - lesestykker for framtida, Hundreårsmarkeringen Norge 2005 AS Oslo 2005.
Fotnotar endre
- ↑ BT, 10.03.12: - Lettet, rørt, ydmyk og stolt, arkivert frå originalen 5. mars 2016, henta 10. mars 2012
- ↑ Dagens Næringsliv, 11.februar 2012, s.74.