Jacky av Jacques Brel
| La Chanson de Jacky Song av Jacques Brel frå albumet Ces Gens-Là | ||
| Utgjeve | 1966 | |
| Innspelt | 2. november 1965 | |
| Sjanger | Chanson | |
| Selskap | Barclay | |
| Komponist | Gérard Jouannest | |
| Låtskrivar(ar) | Jacques Brel, Gérard Jouannest | |
|---|---|---|
«Jacky» (La chanson de Jacky) er ein song skriven av den belgiske songar-låtskrivaren Jacques Brel og Gérard Jouannest. Brel spelte inn songen den 2. november 1965 og gav han ut på albumet Ces Gens-Là i 1966. Songen vart omsett frå fransk til engelsk og kalla «Jackie».
Songen har blitt spelt inn av mange andre artistar, særleg i Europa. I USA vart songen populær då han vart nytta (som «Jackie») i off-Broadway-revyen Jacques Brel is Alive and Well and Living in Paris, som opna den 22. januar 1968.
Scott Walker
endre| Jackie Singel av Scott Walker frå albumet Scott 2 | ||
| B-side |
«The Plague» | |
|---|---|---|
| Utgjeve | 1967 | |
| Innspelt | 1967 | |
| Sjanger | Barokkpop | |
| Lengd | 3:24 | |
| Selskap | Philips Records | |
| Komponist | Gérard Jouannest | |
| Låtskrivar(ar) | Jacques Brel, Gérard Jouannest, Mort Shuman | |
| Produsent | John Franz | |
| Scott Walker-kronologi | ||
| Jackie | «Joanna» (1968)
| |
«Jackie» vart spelt inn og gjeven ut av den amerikanske songar-låtskrivaren Scott Walker som den første solosingelen hans i 1967. Walker spelte inn omsetjinga til Mort Shuman. Akkompagnementen vart dirigert av Wally Stott.
Singelen vart kontroversiell i Storbritannia på grunn av tekstlinjer som «authentic queers and phony virgins» og narkotikareferansar.[1] Songen vart bannlyst av BBC og ikkje spelt på TV eller radio. Songen vart framført på andre kanalar som Frankie Howerd-programmet Howerd's Hour, der Walker dansa komisk under framføringa.
«Jackie» vart ein moderat hit og låg ni veker på UK Singles Chart med 22. plass som høgste plassering i januar 1967.[2] Året etter vart han nytta som opningsspor på Walker-albumet Scott 2.
Singelen inneheld den einaste B-sida til Walker som ikkje finst på noko album. Akkompagnementet for «The Plague» vart dirigert av Peter Knight i eit uvanleg arrangement med gitar og kvinnelege koristar.
Innhald
endre| Nr. | Tittel | Låtskrivar(ar) | Lengd |
|---|---|---|---|
| 1. | «Jackie» | Jacques Brel, Gérard Jouannest, Mort Shuman | 3:24 |
| 2. | «The Plague» | S. Engel | 3:34 |
Andre innspelingar
endreI 1977 vart Jacky (kalla «Jackie») spelt inn av Peter Straker på albumet hans This One's On Me, som vart samprodusert i lag med den nære venen hans Freddie Mercury. Han har sidan spelt inn songen ein gong til i 2012 og for sceneshowet Brel.
I mai 1986 gav Momus it ein versjon av songen, kalla «Nicky» etter fornamnet til songaren, som tittelsporet på ein EP med tre songar av Brel.[3]
I 1991 spelte Marc Almond inn ein versjon av Brel-songen for albumet Tenement Symphony, og gav han ut som ein singel som nådde 17. plass i Storbritannia[4] og 14. plass i Irland.[5]
I 2012 samarbeidde Secret Chiefs og Mike Patton under namnet Traditionalists på ei innspeling av denne songen for etiketten Mimicry. [6]
Kjelder
endre- Denne artikkelen bygger på «Jacky (song)» frå Wikipedia på engelsk, den 1. mai 2014.
- Wikipedia på engelsk oppgav desse kjeldene:
- ↑ Williams, Lewis (2006). Scott Walker - The Rhymes of Goodbye (1st utg.). London: Plexus. s. 68. ISBN 0-85965-395-1.
- ↑ «Chart Stats - Scott Walker». chartstats.com. Arkivert frå originalen 8. oktober 2012. Henta 29. oktober 2013.
- ↑ Momus: Discography
- ↑ «Chart Stats - Marc Almond - Jacky». chartstats.com. Arkivert frå originalen 7. juli 2007. Henta 1. mai 2014.
- ↑ «The Irish Charts - All there is to know». © IRMA 2006 - 2008. Henta 1. mai 2014.
- ↑ «Web of Mimicry».