Jendrik Sigwart
Jendrik Sigwart (fødd 27. august 1994) er ein tysk songar og låtskrivar. Han representerte Tyskland i Eurovision Song Contest 2021 i Rotterdam i Nederland med låten «I Don’t Feel Hate».[1]
| Jendrik Sigwart | |||
 | |||
| Fødd | 27. august 1994 (30 år) | ||
|---|---|---|---|
| Fødestad | Volksdorf | ||
| Opphav | Tyskland | ||
| Aktiv | 2016– | ||
| Instrument | vokal, piano, fiolin, ukulele | ||
| Verka som | songar, låtskrivar, teaterskodespelar | ||
Bakgrunn
endreSigwart vart fødd og voks opp i Hamburg som den nest eldste i ein syskenflokk på fire. Allereie som barn byrja han å spele fiolin og piano. Etter å ha fullført vidaregåande skule studerte han musikalteater ved Hochschule Osnabrück. Han har skrive fleire eigne songar, både for vokal og favorittinstrumentet hans ukulele.[1]
Då speleoppdraga ikkje kom i 2020 på grunn av koronaviruspandemien, brukte Sigwart i staden tida på å skrive ein song og produsere ein musikkvideo til han. Han la ut ein humoristisk post på TikTok og Instagram under mottoet: «How to make a Musikvideo».[1][2][3]
Sigwart hadde drøymt å delta i Eurovision Song Contest, noko han fortalde om i fleire av videoane sine på sosiale medium. Hausten og vinteren 2020–2021 deltok han i uttakingsprosessen for å verta den tyske representanten i Eurovision Song Contest 2021 i Nederland. Blant rundt hundre deltakarar vart Sigwart vurdert av to uavhengige jurygruppar, og til slutt vald til å representere Tyskland i Eurovision Song Contest. Den tyske kringkastaren offentleggjorde deltakinga i februar 2021, og låten «I Don't Feel Hate» vart offentleggjort 25. februar.[1][2] I Eurovision Song Contest enda Sigwart nest sist i finalen, med berre 3 poeng frå juryane og 0 frå sjåarane.[4]
Referansar
endre- ↑ 1,0 1,1 1,2 1,3 «Jendrik Sigwart will sing for Germany in 2021» (på engelsk). 6. februar 2021. Henta 6. februar 2021.
- ↑ 2,0 2,1 «Germany: Jendrik Sigwart will sing at Eurovision 2021...with song release set for February 25» (på engelsk). 6. februar 2021. Henta 6. februar 2021.
- ↑ «Jendrik Sigwart will represent Germany in Eurovision 2021». 6. februar 2021. Henta 6. februar 2021.
- ↑ «Grand Final of Rotterdam 2021» (på engelsk). Henta 5. september 2021.
- Denne artikkelen bygger på «Jendrik Sigwart» frå Wikipedia på bokmål, den 2. desember 2021.