Jens-Peter Herold

Jens-Peter Herold (fødd 2. juni 1965) er ein tysk tidlegare mellomdistanseløpar frå Neuruppin i Tyskland. Han vart europameister på 1500 m i 1990 som representant for Aust-Tyskland, sidan 1991 representerte han det samla Tyskland.

Jens-Peter Herold
Statsborgarskap	Tyskland, Den tyske demokratiske republikken
Fødd	2. juni 1965 (59 år) Neuruppin
Idrett	800 meter, friidrett
Tok del i	athletics at the 1988 Summer Olympics – men's 1500 metres, athletics at the 1992 Summer Olympics – men's 1500 metres
Utmerkingar	Fedrelandets fortjenstorden i bronse

Aktiv

Herold vart sjettemann på 1500 meter i verdsmeisterskapen 1987 i Roma. Året etter sprang han inn til bronsemedalje på same distansen då dei olympiske sommarleikane 1988 fann stad i Seoul, einast Peter Rono frå Kenya og britiske Peter Elliott matcha Herolds sterke oppløp, medan favoritten Steve Cram vart nummer fire.

Vinteren 1990 vann Herold 1500-meteren i hall-EM i Glasgow. Ein langt større prestasjon var det at han vann gullmedaljen ved europameisterskapen i Split eit halvt år seinare. I Split spurta han forbi fire andre løparar og vann ein rimeleg klar siger. Året etter enda han opp med ein fjerdeplass på spesialdistansen, passert av landsmannen Hauke Fuhlbrügge på målstreken.

Fire veker etter å ha vorte nummer seks på 1500 m i Barcelona-OL 1992, sette Herold personleg rekord på distansen ved eit internasjonalt stemne i Rieti i Italia. Han vart då klokka inn på 3.32,77, likevel klart slått av Noureddine Morceli som med 3.28,8 sette ny verdsrekord.

Medaljar og plasseringar i internasjonale meisterskap

• VM 1987 i Roma: Nr 6 – 3.40,1
• OL 1988 i Seoul: Bronsemedalje – 3.36,21
• EM 1990 i Split: Gullmedalje – 3.38,3, framom Gennaro Di Napoli (3.38,6)
• VM 1991 i Tokyo: Nr 4 – 3.35,3
• OL 1992 i Barcelona: Nr 6 – 3.41,5
• VM 1993 i Stuttgart: Utslått i kvalifiseringa (3.50,6=nr 36)

Kjelder

• Denne artikkelen bygger på «Jens-Peter Herold» frå Wikipedia på tysk, den 12. september 2019.