Jens Brandt

Jens Carl Peter Brandt (20. juni 1848–10. august 1912) var ein norsk jurist, godseigar og politikar frå Frogn.

Jens Brandt
Statsborgarskap	Noreg
Fødd	20. juni 1848 Frogn kommune
Død	10. august 1912 (64 år) Frogn kommune
Yrke	jurist, politikar, bonde, advokat, forretningsdrivande
Språk	norsk
Politisk parti	Høgre

Brandt var son til ein offiser som i si tid deltok i krigen 1807-14. Sjølv vart han student i 1865 og cand. jur. i 1869. Åra 1869-75 var han overrettssakførar i Frogn. I 1875 overtok han storgarden Fron etter far sin, der han atttåt landbruk også dreiv sagbruk, høvleri, mylnebruk og teglverk.

Brandt var frå 1884 til 1912 medlem av heradsstyret i Frogn, ordførar 1884-95. Han var med og stifta Frogn sparebank i 1884, var styreformann til 1911. Også åstadskommissær.

Åra 1900-06 var Brandt stortingsrepresentant for Akershus amt. Han var medlem av Lagtinget og næringskomite nr 1, og i 1904 av komiteen som drøfta endringar i Stortinget sin forretningsorden. Brandt var interessert i fredsarbeid og deltok på fleire fredskongressar i Haag.

Han døydde på garden sin i Frogn i 1912.

Kjelde

• Lindstøl, Tallak: Stortinget og Statsraadet 1814-1914. Kristiania, 1914