John Utheim
John Jonsson Utheim (13. januar 1847–16. september 1910) var ein norsk lærar, forfattar, Venstre-politikar og amtmann. Peder J. Utheim var bror hans.
| John Utheim | |||
 | |||
| Fødd | 13. januar 1847 Kvernes | ||
|---|---|---|---|
| Død | 16. september 1910 (63 år) | ||
| Statsborgar av | Noreg | ||
| Parti | Venstre | ||
| Yrke | politikar, faglitterær forfattar | ||
| Medlem | Norsk Kvinnesaksforening | ||
| Verv | Amtsmann i Sogn og Fjordane 1902-1910 | ||
| Føregangar | Olaj Olsen | ||
| Etterfylgjar | Ingolf E. Christensen | ||
| Alle verv |
| ||
Utheim var frå Kornstad på Nordmøre, der far hans var gardbrukar. Sjølv var han lærar i omgangsskule i Kvernes 1862 og Kornstad 1862-64. I 1868 vart han student og tok til på universitetet i hovudstaden. Han studerte fyrst filologi, sidan teologi, og vart uteksaminert cand. theol. i 1874. Mellom 1870 og -75 var han lærar både på Qvams skole og huslærar i Trøgstad. Frå 1875 var han lærar på Oslo katedralskole. I 1878 byrja han i lærarstilling på Sjøkrigsskulen i Horten, frå 1890 med yrkestittelen dosent. Både i 1879 og 1881 var Utheim skipsforvaltar på «Nornen» sitt tokt til England og Spania.
Utheim var medlem av bystyret i Horten frå 1883 til 1902, ordførar 1899-1901.
Perioden 1892-1894 var Utheim 2. representant til Stortinget frå Jarlsberg og Larvik amt. Han var då sekretær i militærkomiteen, 1893-94 medlem av valkomiteen og 1894 sekretær i konsulatkomiteen.
Utheim var 1898 medlem av kongeleg kommisjon om den sivile legetenesta i Noreg, og formann 1902 i ein parlamentarisk kommisjon om inndeling av einmannskrinsar ved stortingsval. Han var også forfattar av ymse verk om stortingsval og andre tema.
Utheim var amtmann i Nordre Bergenhus amt frå 1902, til han døydde i 1910.
Utheim var republikanar, og agiterte i 1905 mot innføring av monarki som styreform.
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914
Bakgrunnsstoff endre
- 1905 - Amtmannen i Nordre Bergenhus amt - John Utheim Sogn og Fjordane fylkesarkiv