Just Henrik Ely
Just Henrik Ely (30. november 1759–30. mars 1824) var ein offiser og eidsvollsmann.
| Just Henrik Ely | |||
 | |||
| Fødd | 30. november 1759 Stavanger | ||
|---|---|---|---|
| Død | 30. mars 1824 (64 år) | ||
| Statsborgar av | Noreg | ||
| Yrke | Offiser | ||
| Verv | Medlem av Riksforsamlinga på Eidsvoll | ||
| Alle verv |
| ||
Ely var fødd i Stavanger, som son av ein offiser og seinare tollar. Han vart korporal tolv år gammal, furer to år etter, og etter nye to år vart han i 1776 sersjant. I 1782 vart han sekondløytnant ved det vesterlenske infanteriregiment, forfremja til premierløytnant i 1786. År 1800 vart han kaptein for regimentet. I 1811 vart han major, fekk vartpengar frå 1818.
Ely var i 1814 1. utsending frå vesterlenske regiment til riksforsamlinga på Eidsvoll. Ein veit ikkje om han røysta med sjølvstende- eller unionspartiet.[1]Det kan vere at han var ein av dei Jacob Aall kalla «tvilerne»; dei som ikkje røysta konsekvent eller ikkje avslørte kor dei stod politisk.[2]
I 1814 budde Ely og kona i Kongens gate 66 i Kristiansand, huset hadde han kjøpt tre år tidlegare. Han budde her fram til han døydde i 1824. Huset gjekk tapt i bybrannen i 1892.[2]
Kjelder endre
- ↑ «Just Henrik Ely (1759-1824)». Eidsvoll 1814. Henta 20. november 2015.
- ↑ 2,0 2,1 Marit Olafson Lundemo (2014). «Just Henrik Ely og Kongens gate 66 i Kristiansand». I Jørn Holme. De kom fra alle kanter - Eidsvollsmennene og deres hus. Cappelen Damm. s. 330-332. ISBN 978-82-02-44564-5.
- Tallak Lindstøl: Stortinget og Statsraadet 1814-1914. Kristiania, 1914, digital utgåve, side 214
- Biografisk informasjon om Just Henrik Ely NSD Norsk senter for forskningsdatas politikararkiv