Karl Arne Utgård
Karl Arne Utgård (fødd 6. mars 1951) fødd i Sykkylven er ein norsk jurist og tidlegare dommar i Høgsterett. Han tiltredde som høgsterettsdommar 15. november 1999 og sat fram til 31. desember 2018.
| Karl Arne Utgård | |
| Statsborgarskap | Noreg |
| Fødd | 6. mars 1951 (73 år) Sykkylven |
| Yrke | advokat, dommar |
Han tok juridisk embetseksamen ved Universitetet i Oslo i 1976. Han avtente verneplikta hos Krigsadvokaten for Østlandet 1977-78, var advokatfullmektig 1978-79, dommarfullmektig i Hadeland og Land sorenskrivarembete 1979-1980, og advokatfullmektig og advokat hos Regjeringsadvokaten i åra 1980-1984. Han vart advokat med møterett for Høgsterett i 1982. Han arbeidde som privatpraktiserende advokat på Hamar i åra 1984-1999, der han mellom anna var fast forsvarar i Eidsivating lagmannsrett 1988-1997 og i Hedmarken heradsrett 1995-1997.
Karl Arne Utgård er den første faste dommaren i Høgsterett som skriv på nynorsk. Han har vore ein føregangsmann for bruk av nynorsk i jussen og har gitt ut ei eiga juridisk og administrativ ordliste på nynorsk. For arbeidet sitt fekk han prisen Årets nynorskbrukar frå Nynorsk kultursenter i 2000.
Frå 2005 har Utgård også vore styreleiar for Domstoladministrasjonen ved sida av embetet som dommar i Høgsterett.
Bibliografi endre
- Juridisk og administrativ ordliste : bokmål-nynorsk av Karl Arne Utgård, Samlaget, Oslo, 2002, ISBN 82-521-5930-3
- Bu- og driveplikt for eigedommar med dyrka jord av Karl Arne Utgård, Særavhandling - Det juridiske fakultetet ved Universitetet i Oslo, hausten 1976.
- NRK og distrikta av Oddvar Natvik og Karl Arne Utgård, Samlaget, Oslo, 1971.
Kjelder endre
Karl Arne Utgård hos domstol.no, vitja 15. juni 2010