Kathrine Johnsen
Kathrine Johnsen (22. oktober 1917–25. juni 2002) var ein norsk-samisk lærar og tilsett i NRKs Sameradio. Ho er ein av dei viktigaste personane for samisk språk og kultur etter andre verdskrigen, og vart kalla «Sameradioens mor».
| Kathrine Johnsen | |
| Statsborgarskap | Noreg |
| Fødd | 22. oktober 1917 Tana kommune |
| Død |
25. juni 2002 (84 år) |
| Yrke | lærar, kringkastingsjournalist |
| Språk | nordsamisk, norsk |
| Medlem av | Nordisk sameråd |
Biografi endre
Johnsen var fødd i i Tana kommune og voks opp i Finnmark. Etter å ha hatt ei rekke jobbar utdanna ho seg til lærer i Tromsø. Ho var ferdig utdanna lærar i 1949. Ho jobba deretter på den samiske ungdomsskulen i Karasjok fram til 1958, med ulike pausar for vidareutdanning. Ho tok samisk grunnfag i 1968
I 1959 vart ho programsekretær i NRK, og dreiv den samiske radioen åleine i nesten ti år. Samtidig var ho òg tidvis sjef for NRK Finnmarks sendingar på norsk og samisk. I 1964 flytta ho til Tromsø, og var den einaste fast tilsette i Sameradioen der, noko som gjorde at ho hadde hovudansvaret for alle sendingane, som etter kvart gjekk til Noreg, Sverige og Finland. Då Sameradioen vart flytta til Karasjok, vart Johnsen verande i Tromsø.
Ho var aktiv i ulike former for samepolitisk arbeid, særleg i Nordisk sameråd, men hadde òg ei rekke andre verv. Ho var observatør for Norske Kvinners Nasjonalråd ved FNs 31. generalforsamling i 1976. Ho sat i ei rekke styre som for avisa Ságat, der ho var leiar, den samiske folkehøgskulen, Nordisk samisk institutt, der ho var varamedlem og ho var med i komiteen som gav ei innstilling om stadnamn i 1983. I tillegg var ho med i den samiske liturgikomiteen og den samiske salmekomiteen. Ho er representert i Norsk salmebok 2013 med ei omsetjing av Thorbjørn Egners «Jeg folder mine hender små» til samisk.
Utmerkingar endre
- 1981 - «Sukkerbiten» (Utmerking gitt av NRK)
- 1983 - Kongens fortjenstmedalje i gull
Kjelder endre
- Denne artikkelen bygger på «Kathrine Johnsen» frå Wikipedia på bokmål, den 16. oktober 2022.